చాలామంది వివిధ మ్యూచువల్ ఫండ్స్ స్కీముల్లో పెట్టుబడులు పెడుతూ ఉంటారు. అయినప్పటికీ తమ ఆర్థిక లక్ష్యాల సాధనకు అనుగుణంగా ఈ మ్యూచువల్ ఫండ్స్ పోర్ట్ఫోలియోలను తీర్చిదిద్దుకోరు. ఈ రకమైన అవగాహన లోపం వల్ల మార్కెట్ ఒడిదుడుకులకు లోనై నష్టాలపాలయ్యే పరిస్థితులే ఎక్కువ. వివేకంతో తీసుకునే నిర్ణయాలే మంచి రాబడులను ఇస్తాయన్న విషయం మదుపరులు మరువద్దు.
మ్యూచువల్ ఫండ్స్ పోర్ట్ఫోలియోలను ప్రధానంగా లక్ష్యాలు, రిస్కుల ఆధారంగా ఎంచుకోవడం ఉత్తమం. కాబట్టి మీకున్న అవసరాలు, మార్కెట్ తీరుతెన్నులను గమనించి ముందుకెళ్లండి. అలాగే ఆయా పథకాల మధ్య పెట్టుబడుల్లో భారీ అంతరాలు ఉండరాదు. అందుకే ఏ పథకంలోనైనా మన మొత్తం పోర్ట్ఫోలియోలో 10 శాతాన్ని మించి పెట్టుబడులు పెట్టకపోవడమే శ్రేయస్కరం. విశ్వసనీయమైన అసెట్ మేనేజ్మెంట్ కంపెనీలైనా, ఆకట్టుకునే ఫండ్ మేనేజైర్లెనా ఎందులోనూ, ఎవరికైనా పూర్తిగా పెట్టుబడులను అప్పగించరాదు. అలాగే అత్యవసరాలకు నగదు అందుబాటులో ఉండేలా నిర్ణయాలుండాలి. ప్రతీ 6 నెలలకోసారి పోర్ట్ఫోలియో సమీక్ష తప్పనిసరి.
మ్యూచువల్ ఫండ్స్ పెట్టుబడులు మార్కెట్ ఒడిదుడుకులకు లోబడి ఉంటాయి. నేరుగా స్టాక్స్, డెరివేటివ్ల్లో పెట్టుబడుల కంటే భద్రమే అయినా.. దేశ, విదేశీ పరిణామాలకు ప్రభావితమవుతూనే ఉంటాయి. కాబట్టి పెట్టుబడి సాధనాలను ఎంచుకునే ముందు ఒక్కసారి నిపుణుల సలహాలు, సూచనలు తీసుకోవడం ఎంతైనా మంచిది.