బెంజ్‌ సరికొత్త ఈవీ ప్రారంభ ధర రూ.78.50 లక్షలు

విలాసవంతమైన కార్ల తయారీ సంస్థ మెర్సిడెజ్‌-బెంజ్‌..దేశీయ మార్కెట్‌కు సరికొత్త ఈవీని పరిచయం చేసింది. ఈ కారు ప్రారంభ ధర రూ.78.50 లక్షలుగా నిర్ణయించింది.

పుణె, నవంబర్‌ 5: విలాసవంతమైన కార్ల తయారీ సంస్థ మెర్సిడెజ్‌-బెంజ్‌..దేశీయ మార్కెట్‌కు సరికొత్త ఈవీని పరిచయం చేసింది. ఈ కారు ప్రారంభ ధర రూ.78.50 లక్షలుగా నిర్ణయించింది. ఇప్పటికే బుకింగ్‌లు ప్రారంభించిన సంస్థ..ఈ నెల చివరి నుంచి డెలివరీ చేయనున్నట్టు ప్రకటించింది.

94 కిలోవాట్ల బ్యాటరీ ప్యాక్‌ కలిగిన ఈ మాడల్‌ సింగిల్‌ చార్జింగ్‌తో 711 కిలోమీటర్లు ప్రయాణించనున్నది. కేవలం 4.3 సెకండ్లలో 100 కిలోమీటర్ల వేగాన్ని అందుకోనున్న ఈ కారు కేవలం 10 నిమిషాల్లోనే 300 కిలోమీటర్లు ప్రయాణించే బ్యాటరీ రీచార్జికానున్నది.