Maruti Swift S-CNG | మార్కెట్‌లోకి స్విఫ్ట్ ఎస్-సీఎన్జీ.. ధ‌రెంతంటే?!

Maruti Swift S-CNG |

Maruti Swift S-CNG | ప్ర‌ముఖ కార్ల త‌యారీ సంస్థ మారుతి సుజుకి అత్యంత పాపుల‌ర్ హ్యాచ్‌బ్యాక్ మోడ‌ల్ కారు స్విఫ్ట్‌లో జీఎన్జీ వేరియంట్‌ను ఆవిష్క‌రించింది. దీనికి స్విఫ్ట్ ఎస్‌-సీఎన్జీ అని పేరు పెట్టింది. వీఎక్స్ఐ, జ‌డ్ఎక్స్ఐ అనే వేరియంట్ల‌లో క‌స్ట‌మ‌ర్ల ద‌రికి చేర‌నున్న‌ది. నూత‌న స్విఫ్ట్ ఎస్-సీఎన్జీ కారు ధ‌ర రూ.7.77 ల‌క్ష‌ల నుంచి మొద‌ల‌వుతుంది. వీఎక్స్ఐ వేరియంట్ కారు రూ.7.77 ల‌క్ష‌ల నుంచి ల‌భిస్తుండ‌గా, జ‌డ్ఎక్స్ఐ వ‌ర్ష‌న్ కారు ధ‌ర రూ.8.45 ల‌క్ష‌ల‌కు ల‌భిస్తుంది.

అత్య‌ధిక మైలేజీనిచ్చే కార్ల‌లో స్విఫ్ట్ కూడా చేర‌నున్న‌ది. ఈ ఏడాది వ్యాగ‌న్‌-ఆర్‌, సెలెరియో, డిజైర్‌ల‌ను సీఎన్జీ వేరియంట్ల‌లో ఆవిష్క‌రించింది. సీఎన్జీ సెగ్మెంట్‌లో అత్య‌ధిక మోడల్ కార్లు గ‌ల కంపెనీ మారుతి సుజుకి.

స్విఫ్ట్ ఎస్‌-సీఎన్జీ కారు 1.2 లీట‌ర్ల సిరీస్ డ్యుయ‌ల్ జెట్‌, డ్యుయ‌ల్ వీవీటీ ఇంజిన్ సామ‌ర్థ్యంతో డెవ‌ల‌ప్ చేశారు. ఇది 77.49 పీఎస్ ఇంధ‌నం, 98.5 ఎన్ఎం టార్చి వెలువ‌రిస్తుంది. 5-స్పీడ్ గేర్‌బాక్స్ కూడా అనుసంధానించారు. కిలో సీఎన్జీ గ్యాస్‌తో 30.90 కి.మీ. మైలేజీ ల‌భిస్తుంది.

యాంటీ లాక్ బ్రేకింగ్ సిస్ట‌మ్‌, ఈబీడీ, ఎయిర్‌బ్యాగ్‌లు, రివ‌ర్స్ పార్కింగ్ సెన్సార్‌, రేర్ కెమెరా, హిల్ హోల్డ్ అసిస్ట్‌, ఎల‌క్ట్రానిక్ స్టెబిలిటీ కంట్రోల్ వంటి ఫీచ‌ర్లు ఈ కారులో ఉన్నాయి. అత్యంత స్పోర్టీగా, స్పేసియ‌స్‌గా ఉండే కార్ల‌లో ఇదొక‌టి. స్విఫ్ట్ ఎస్‌-సీఎన్జీ కార్లు 3845 మిమీ పొడ‌వు, 1530 మిమీ ఎత్తు, 1735 ఎంఎం విడ్త్‌, 2450 ఎంఎం వీల్ బేస్ క‌లిగి ఉంటాయి.