Maruti Invicto Bookings | మారుతి సుజుకి మూడు వరుసల ఎస్యూవీ కం మల్టీ పర్పస్ వెహికల్ (ఎంవీపీ) కారు ఇన్విక్టో (Invicto) ప్రీ బుకింగ్స్ సోమవారం ప్రారంభం అయ్యాయి. ఆసక్తి గల కస్టమర్లు మారుతి సుజుకి వెబ్సైట్ వెబ్సైట్ ద్వారా గానీ, సమీప నెక్సా డీలర్షిప్ల వద్ద గానీ రూ.25 వేలు చెల్లించి ప్రీ-బుకింగ్ చేసుకోవచ్చు. టయోటా ఇన్నోవా హైక్రాస్ టెక్నాలజీ ఆధారంగా రూపుదిద్దుకున్న ఇన్విక్టో (Invicto) లాంచింగ్పై సోషల్ మీడియా వేదికలపై క్యాంపెయిన్ ప్రారంభించింది. జూలై ఐదో తేదీన మారుతి ఇన్విక్టో (Invicto) మార్కెట్లోకి ఆవిష్కరించేందుకు రంగం సిద్ధమైంది.
మారుతి సుజుకి ఇన్విక్టో ((Invicto) 2.0-లీటర్ల పెట్రోల్ ఇంజిన్ విత్ స్ట్రాంగ్ హైబ్రీడ్ టెక్నాలజీతో వస్తున్నది. ఈ ఇంజిన్ ఈ-డ్రైవ్ ట్రాన్స్మిషన్ ఆప్షన్తో వస్తోంది. ఈ ఇంజిన్ గరిష్టంగా 180 హెచ్పీ విద్యుత్ వెలువరిస్తుంది. 10.1-అంగుళాల టచ్ స్క్రీన్ ఇన్ఫోటైన్మెంట్ సిస్టమ్, 8-వే పవర్-అడ్జస్టబుల్ డ్రైవ్ సీట్ విత్ మెమరీ ఫంక్షన్, సెంట్రల్ కన్సోల్ వద్ద కంట్రోల్ ప్యానెల్, 9-స్పీకర్ జేబీఎల్ ఆడియో సిస్టమ్ విత్ సబ్ఊఫర్ ఫీచర్లు కలిగి ఉంటుంది. మధ్య వరుసలో ఒట్టోమాన్ కెప్టెన్ సీట్లు, పనోరమిక్ సన్రూఫ్, పవర్డ్ టైల్గేట్ (టాప్-స్పెక్ వేరియంట్లు) కూడా ఉంటాయి.
మారుతి సుజుకి ఇన్విక్టో ఆరు ఎయిర్ బ్యాగ్లు, ఎమర్జెన్సీ బ్రేకింగ్, అడాప్టివ్ క్రూయిజ్ కంట్రోల్, లేన్ కీప్ అసిస్ట్ వంటి అడాస్ సిస్టమ్తో కూడిన సేఫ్టీ ఫీచర్లు ఉంటాయి. ఈ కారు ధర రూ.19 లక్షలు (ఎక్స్-షోరూమ్) ఉండవచ్చునని తెలుస్తున్నది.