ఎల్‌ఐసీ లోన్‌ అగ్గువ

ప్రభుత్వ రంగ బీమా దిగ్గజం ఎల్‌ఐసీ.. తక్కువ వడ్డీరేటుకే వ్యక్తిగత రుణాలను అందిస్తున్నది. బ్యాంకింగ్‌ సంస్థలతో పోల్చితే అగ్గువకే ఈ లోన్లు లభిస్తుండటం గమనార్హం. ఐదేండ్ల గరిష్ఠ కాలపరిమితితో ఉన్న ఈ రుణాలను 9 శాతం కనిష్ఠ వడ్డీరేటుకే ఎల్‌ఐసీ ఇస్తున్నది మరి. ఇక గడువు లోపలే చెల్లిస్తే అదనపు చార్జీల నుంచి కూడా రుణగ్రహీతలకు మినహాయింపు

• 9% వడ్డీరేటుకే వ్యక్తిగత రుణాలు

న్యూఢిల్లీ, నవంబర్‌ 3: ప్రభుత్వ రంగ బీమా దిగ్గజం ఎల్‌ఐసీ.. తక్కువ వడ్డీరేటుకే వ్యక్తిగత రుణాలను అందిస్తున్నది. బ్యాంకింగ్‌ సంస్థలతో పోల్చితే అగ్గువకే ఈ లోన్లు లభిస్తుండటం గమనార్హం. ఐదేండ్ల గరిష్ఠ కాలపరిమితితో ఉన్న ఈ రుణాలను 9 శాతం కనిష్ఠ వడ్డీరేటుకే ఎల్‌ఐసీ ఇస్తున్నది మరి. ఇక గడువు లోపలే చెల్లిస్తే అదనపు చార్జీల నుంచి కూడా రుణగ్రహీతలకు మినహాయింపు ఉండటం విశేషం. నిజానికి రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) రెపోరేటు పెంపుతో అన్ని రకాల రుణాలపై వడ్డీరేట్లు ఎగబాకిన విషయం తెలిసిందే. దీంతో గృహ రుణాలపైనా వడ్డీరేటు 8-9 శాతానికి చేరింది. ఈ నేపథ్యంలో సహజంగానే ఎక్కువ వడ్డీరేటుకు అందుబాటులో ఉండే వ్యక్తిగత రుణాలను ఎల్‌ఐసీ ఇంత తక్కువ వడ్డీరేటుకు ఆఫర్‌ చేస్తుండటం ఇప్పుడు ప్రాధాన్యాన్ని సంతరించుకున్నది.

వ్యక్తిగత రుణం పొందడమెలా?..

• తొలుత ఎల్‌ఐసీ అధికారిక వెబ్‌సైట్‌ www.licindia.in ను సందర్శించాలి
• ఆపై పాలసీ లోన్‌ ఆప్షన్‌కు వెళ్లాలి
• లోన్‌ ఫారాన్ని డౌన్‌లోడ్‌ చేసుకోవాలి
• అనంతరం ఫారాన్ని నింపాలి
• పూర్తయ్యాక స్కాన్‌ చేసి ఫారాన్ని అప్‌లోడ్‌ చేయాలి
• మీ అభ్యర్థనను పరిశీలించి ఎల్‌ఐసీ తుది నిర్ణయం తీసుకుంటుంది
  రుణం మంజూరైతే నేరుగా మీ బ్యాంక్‌ ఖాతాలో జమవుతుంది