LIC Amritbaal | ఎల్‌ఐసీ సరికొత్త పాలసీ.. పిల్లల కోసం అమృత్‌బాల్‌

ప్రభుత్వ రంగ బీమా దిగ్గజం లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (ఎల్‌ఐసీ).. పిల్లల కోసం ‘అమృత్‌బాల్‌' పేరిట ఓ సరికొత్త పాలసీని పరిచయం చేసింది.

LIC Amritbaal | ముంబై, ఫిబ్రవరి 17: ప్రభుత్వ రంగ బీమా దిగ్గజం లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (ఎల్‌ఐసీ).. పిల్లల కోసం ‘అమృత్‌బాల్‌’ పేరిట ఓ సరికొత్త పాలసీని పరిచయం చేసింది. ఇదో వ్యక్తిగత, సేవింగ్స్‌, జీవిత బీమా, నాన్‌-లింక్డ్‌, నాన్‌-పార్టిసిపేటింగ్‌ ప్లాన్‌. పిల్లల ఉన్నత విద్య, ఇతర అవసరాలను దృష్టిలో పెట్టుకుని ఈ పాలసీని రూపొందించారు. ఏజెంట్లు, ఇతర మధ్యవర్తుల ద్వారా దీన్ని కొనవచ్చు. సంస్థ అధికారిక వెబ్‌సైట్‌ www.licindia.in ద్వారా ఆన్‌లైన్‌లోనూ కొనుక్కోవచ్చు.

• 30 రోజులు-13 ఏండ్ల పిల్లలు అర్హులు.
• మెచ్యూరిటీ కనీస వయస్సు 18 ఏండ్లు. గరిష్ఠం 25 సంవత్సరాలు.
• షార్ట్‌ ప్రీమియం పేమెంట్‌ టర్మ్‌ 5, 6 లేదా 7 ఏండ్లు.
• కనీస పాలసీ టర్మ్‌ కోసం లిమిటెడ్‌ ప్రీమియం పేమెంట్‌ 10 ఏండ్లు. సింగిల్‌ ప్రీమియం పేమెంట్‌ కోసం 5 ఏండ్లు.
• గరిష్ఠ పాలసీ టర్మ్‌ కోసం లిమిటెడ్‌/సింగిల్‌ ప్రీమియం పేమెంట్‌ 25 ఏండ్లు. పీవోఎస్పీ-ఎల్‌ఐ/సీపీఎస్‌సీ-ఎస్పీవీ ద్వారా పొందే పాలసీలకు 20 ఏండ్లు.
• మినిమం సమ్‌ అష్యూర్డ్‌ రూ.2 లక్షలు. గరిష్ఠ బేసిక్‌ సమ్‌ అష్యూర్డ్‌ కోసం పరిమితి లేదు (షరతులు వర్తిస్తాయి).
• షరతులకు లోబడి పాలసీ వ్యవధిలో రుణ సదుపాయం లభిస్తుంది.
• అర్హత నిబంధనలకు లోబడి అదనపు ప్రీమియం చెల్లిస్తే ఎల్‌ఐసీ ప్రీమియం వైవర్‌ బెనిఫిట్‌ రైడర్‌ సదుపాయం.
• హై బేసిక్‌ సమ్‌ అష్యూర్డ్‌, ఆన్‌లైన్‌ సేల్‌ కింద పూర్తయిన ప్రతిపాదనకు రిబేటు.
• మెచ్యూరిటీ మొత్తాన్ని పొందేందుకు 5, 10 లేదా 15 ఏండ్ల వాయిదాల్లో సెటిల్మెంట్‌ ఆప్షన్లు.
• మెచ్యూరిటీ తేదీ, మెచ్యూరిటీ సమ్‌ అష్యూర్డ్‌లపై పాలసీ వ్యవధిలో గ్యారంటీడ్‌ అడిషన్స్‌.