IPO | త్రీవ ఒడిదుడుకుల్లో స్టాక్‌ మార్కెట్లు.. అయినా ఐపీవోలు సూపర్‌ హిట్‌

ఇది ఐపీవోల కాలం. ఒకవైపు స్టాక్‌ మార్కెట్లు తీవ్ర ఒడిదుడుకులకు లోనవుతున్నప్పటికీ..మరోవైపు లిస్ట్‌ కావాలని చూస్తున్న సంస్థలు రోజు రోజుకి పెరుగుతున్నాయి. ఈ వారంలో అరడజన్‌కు పైగా సంస్థలు ఐపీవోకి రాబోతున్నాయి. వీటిలో మూడు సంస్థల వాటా విక్రయానికి అపూర్వ స్పందన లభించింది.

IPO | న్యూఢిల్లీ, డిసెంబర్‌ 21: ఇది ఐపీవోల కాలం. ఒకవైపు స్టాక్‌ మార్కెట్లు తీవ్ర ఒడిదుడుకులకు లోనవుతున్నప్పటికీ..మరోవైపు లిస్ట్‌ కావాలని చూస్తున్న సంస్థలు రోజు రోజుకి పెరుగుతున్నాయి. ఈ వారంలో అరడజన్‌కు పైగా సంస్థలు ఐపీవోకి రాబోతున్నాయి. వీటిలో మూడు సంస్థల వాటా విక్రయానికి అపూర్వ స్పందన లభించింది. సంస్థలు జారీ చేసిన షేర్ల కంటే ఎన్నో రెట్ల అధిక బిడ్డింగ్‌లు దాఖలయ్యాయి. వీటి వివరాలు..

క్రెడో బ్రాండ్స్‌ మార్కెటింగ్‌

• సంస్థ జారీ చేసిన షేర్ల కంటే 51.85 రెట్ల అధిక బిడ్డింగ్‌లు దాఖలయ్యాయి.
• ఇనిస్టిట్యూషనల్‌ పెట్టుబడిదారులు అధికంగా కొనుగోళ్లు జరిపారు
• రూ.549.77 కోట్ల నిధుల సేకరణ కోసం 1,37,44,472 షేర్లను జారీ చేయగా 71,26,92,325 షేర్ల బిడ్డింగ్‌లు వచ్చాయి.
• ప్రమోటర్లు, ఇతర వాటాదారులకు చెందిన 1.96 కోట్ల షేర్లను ఆఫర్‌ ఫర్‌ సేల్‌ రూట్‌లో విక్రయించనున్నది.
• షేరు ధరల శ్రేణి రూ.266-280 స్థాయిలో నిర్ణయించింది.
• సెప్టెంబర్‌ నాటికి దేశవ్యాప్తంగా 1,807 టచ్‌ పాయింట్లు ఉన్నాయి. వీటిలో 404 ఎక్స్‌క్లూజివ్‌ బ్రాండ్‌ అవుట్‌లెట్లు కాగా 71 అతిపెద్ద స్టోర్లు, 1,332 మల్టీ-బ్రాండ్‌ అవుట్‌లెట్లు ఉన్నాయి.
• కంపెనీ షేర్లు బీఎస్‌ఈ, ఎన్‌ఎస్‌ఈలో లిస్ట్‌ కానున్నాయి.

ఆర్బీజెడ్‌ జ్యూవెల్లర్స్‌

• జారీ చేసిన 79 లక్షల షేర్లకు 13,31,88,450 షేర్ల బిడ్డింగ్‌లు వచ్చాయి. జారీ చేసిన దాని కంటే 16.86 రెట్లు అధికంగా వచ్చాయి.
• రిటైల్‌ ఇండివీడ్యువల్‌ ఇన్వెస్టర్లకు కేటాయించిన షేర్ల కంటే 24.74 రెట్ల అధికంగా బిడ్లు దాఖలయ్యాయి. అలాగే క్వాలిఫైడ్‌ ఇనిస్టిట్యూషనల్‌ బయ్యర్లకు 13.43 రెట్లు, నాన్‌-ఇనిస్టిట్యూషనల్‌ ఇన్వెస్టర్ల 9.27 రెట్లు అధికంగా వచ్చాయి.
• రూ.95-100 ధరల శ్రేణిలో కోటి ఈక్విటీ షేర్లను జారీ చేసింది.
• కంపెనీ ఈక్విటీ షేర్లు బీఎస్‌ఈ, ఎన్‌ఎస్‌ఈలో లిస్ట్‌కానున్నాయి.

హ్యాప్పీ ఫోర్జింగ్స్‌

• ఆటో విడిభాగాల తయారీ సంస్థ మార్కెట్లోకి అడుగుపెట్టబోతున్నది.
• రూ.1,008 కోట్ల నిధులు సేకరణకు సంబంధించి 83,65,639 షేర్లను జారీచేసింది.
• ఇనిస్టిట్యూషనల్‌ బయ్యర్ల నుంచి డిమాండ్‌ అధికంగా ఉండటంతో 68,62,98,398 షేర్లకు బిడ్డింగ్‌లు వచ్చాయి. అంటే 82.04 రెట్లు అధికంగా బిడ్డింగ్‌లు వచ్చాయి.
• షేరు ధరల శ్రేణి రూ.808-850 స్థాయిలో నిర్ణయించింది.
• ఆటో విడిభాగాల సంస్థ హ్యాప్పీ ఫోర్జింగ్‌..బ్రెజిల్‌, ఇటలీ, జపాన్‌, స్పెయిన్‌, స్వీడన్‌, థాయిలాండ్‌, టర్కీ, బ్రిటన్‌, అమెరికా దేశాల్లో కార్యకలాపాలు నిర్వహిస్తున్నది.