కరిగిపోతున్న ఫారెక్స్‌ రిజర్వులు

వరుసగా మూడోవారంలోనూ దేశీయ ఫారెక్స్‌ రిజర్వులు కరిగిపోయాయి. గతవారం ముగిసేనాటికి ఫారెక్స్‌ రిజర్వులు మరో 5.681 బిలియన్‌ డాలర్లు కరిగిపోయి 561.267 బిలియన్‌ డాలర్లకు పడిపోయినట్లు రిజర్వుబ్యాంక్‌ తాజాగా వెల్లడించింది.

• 5.68 బిలియన్‌ డాలర్లు క్షీణత

ముంబై, ఫిబ్రవరి 24: వరుసగా మూడోవారంలోనూ దేశీయ ఫారెక్స్‌ రిజర్వులు కరిగిపోయాయి. గతవారం ముగిసేనాటికి ఫారెక్స్‌ రిజర్వులు మరో 5.681 బిలియన్‌ డాలర్లు కరిగిపోయి 561.267 బిలియన్‌ డాలర్లకు పడిపోయినట్లు రిజర్వుబ్యాంక్‌ తాజాగా వెల్లడించింది. అంతక్రితం వారంలోనూ 8.319 బిలియన్‌ డాలర్లు తరిగిపోయిన విషయం తెలిసిందే. కరెన్సీ రూపంలోవున్న ఆస్తులు 4.515 బిలియన్‌ డాలర్లు తగ్గి 496.072 బిలియన్‌ డాలర్లకు తగ్గడం ఇందుకు కారణమని సెంట్రల్‌ బ్యాంక్‌ విశ్లేషించింది. అలాగే పసిడి రిజర్వులు 1.045 బిలియన్‌ డాలర్లు తగ్గి 41.817 బిలియన్‌ డాలర్లుగా నమోదయ్యాయి. అక్టోబర్‌ 2021లో ఫారెక్స్‌ రిజర్వులు రికార్డు స్థాయి 645 బిలియన్‌ డాలర్లకు చేరుకున్న విషయం తెలిసిందే.