సూచీలకు విదేశీ ఫండ్ల జోష్
దేశీయ స్టాక్ మార్కెట్లు కదంతొక్కుతున్నాయి. విదేశీ మదుపర్లు భారీగా నిధులు చొప్పించడంతోపాటు ఆర్థిక, ఎఫ్ఎంసీజీ, చమురు, గ్యాస్ రంగ షేర్ల నుంచి లభించిన మద్దతుతోపాటు ముడిచమురు ధరల తగ్గుదలతో సోమవారం సూచీలు భారీగా లాభపడ్డాయి.
- భారీగా లాభపడిన దేశీయ స్టాక్ మార్కెట్లు
ముంబై, నవంబర్ 16 : దేశీయ స్టాక్ మార్కెట్లు కదంతొక్కుతున్నాయి. విదేశీ మదుపర్లు భారీగా నిధులు చొప్పించడంతోపాటు ఆర్థిక, ఎఫ్ఎంసీజీ, చమురు, గ్యాస్ రంగ షేర్ల నుంచి లభించిన మద్దతుతోపాటు ముడిచమురు ధరల తగ్గుదలతో సోమవారం సూచీలు భారీగా లాభపడ్డాయి. ఇంట్రాడేలో 700 పాయింట్లకు పైగా ఎగబాకిన 30 షేర్ల ఇండెక్స్ సూచీ సెన్సెక్స్ మార్కెట్ ముగిసే సమయానికి 512 పాయింట్లు పెరిగి 82,104.79 వద్ద స్థిరపడింది. మరో సూచీ ఎన్ఎస్ఈ నిఫ్టీ 146.80 పాయింట్లు పెరిగి 25,291.10 వద్ద ముగిసింది.
లాభపడిన షేర్లలో ఐటీసీ షేరు 3.78 శాతం ఎగబాకి టాప్ గెయినర్గా నిలిచింది. దీంతోపాటు భారతీ ఎయిర్టెల్, ఎటర్నల్, పవర్ గ్రిడ్, హెచ్డీఎఫ్సీ బ్యాంక్, అల్టాట్రెక్ సిమెంట్, ఏషియన్ పెయింట్, టైటాన్, ట్రెంట్, కొటక్బ్యాంక్, టెక్ మహీంద్రా, ఎస్బీఐ, ఎన్టీపీసీ, హెచ్యూఎల్, యాక్సిస్ బ్యాంక్, మహీంద్రా అండ్ మహీంద్రా, హెచ్సీఎల్ టెక్నాలజీ, ఇన్ఫోసిస్, రిలయన్స్, బీఈఎల్ షేర్లు ప్రధానంగా లాభపడ్డాయి. కానీ, టాటా స్టీల్, మారుతి, ఇంటర్గ్లోబ్ ఏవియేషన్, బజాజ్ ఫిన్సర్వ్, టీసీఎస్, ఐసీఐసీఐ బ్యాంక్, ఎల్అండ్టీ షేర్లు నష్టపోయాయి.
95 వేల పాయింట్లకు సెన్సెక్స్!
వచ్చే ఏడాది చివరినాటికి దేశీయ స్టాక్ మార్కెట్ సూచీ సెన్సెక్స్ 95 వేల పాయింట్లకు చేరుకునే అవకాశాలున్నాయని అంతర్జాతీయ రేటింగ్ ఏజెన్సీ మోర్గాన్ స్టాన్లీ అంచనావేస్తున్నది. పెట్టుబడి వ్యూహంలో రక్షణాత్మక, విదేశీ మార్కెట్లపై ఆధారపడే రంగాల కంటే దేశీయ రంగాలు అంచనాలకుమించి రాణించడంతో భారత స్టాక్ మార్కెట్ల రేటింగ్ పెరిగేందుకు అవకాశాలున్నాయని మోర్గాన్ స్టాన్లీ విశ్లేషకులు పేర్కొన్నారు.
Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

