Home Loan | ప్రతి ఒక్కరికీ సొంతింటి కల ఉంటుంది. కానీ, ఇల్లు కొనుక్కోవడం అంటే తేలికేం కాదు.. భారీగా నిధులు కావాలి. సొంతింటిలో ఉండాలని కోరుకుంటున్నా.. అర్హులైన వారికి బ్యాంకులు, బ్యాంకింగేతర ఆర్థిక సంస్థలు ఇండ్ల రుణాలు బాగానే ఉన్నాయి. ఇంటి రుణం తీసుకుంటున్నప్పుడు దానికి వర్తించే వడ్డీరేట్లు, వివిధ ఆర్థిక సంస్థల నిబంధనలు, షరతులు సరిపోల్చుకోవాలి. ఇంటి రుణం పొందే వారు వాటిపై వచ్చే ఆఫర్లు, టాక్స్ బెనిఫిట్లను చెక్ చేసుకోవడం చాలా కీలకం.
ఆదాయం పన్ను చట్టంలోని సెక్షన్ 24 ప్రకారం రుణంపై ఇల్లు కొనుగోలు చేసిన వారు ఆ రుణానికి వడ్డీ చెల్లింపుపై రూ.2 లక్షల వరకు టాక్స్ బెనిఫిట్ పొందొచ్చు. సెక్షన్ 80సీ ప్రకారం ఒక ఆర్థిక సంవత్సరంలో అసలు చెల్లింపుపై రూ.1.50 లక్షల వరకు పన్ను డిడక్షన్ క్లయిమ్ చేసుకోవచ్చు.
ఎక్కువ మంది సొంతిల్లు కొనుగోలు చేయడాన్ని ప్రోత్సహిస్తున్నది. ఇందుకోసం అసలుపై పన్ను రాయితీతోపాటు ఇంటి రుణం మీద చెల్లిస్తున్న వడ్డీకి కూడా మినహాయింపు ఇస్తున్నది.
తీసుకున్న ఇంటి రుణంతోపాటు దాని వడ్డీ సరైన టైంలో పే చేయాలి. సులభతరంగా రుణ చెల్లింపులకు తీసుకున్న రుణం, వడ్డీతోపాటు సమానమైన నెలవారీ వాయిదా (ఈఎంఐ)లుగా విభజిస్తారు.
ఇంటి రుణం పొందడానికి ప్లాన్ చేసుకునే వారు ఈఎంఐలు సకాలంలో చెల్లించడానికి అవసరమైన వ్యూహాలు రెడీ చేసుకోవాలి. ఈఎంఐలు చెల్లించడానికి ప్రీ-ప్లాన్ చేసుకుంటే ఎంత రుణం పొందవచ్చునన్న విషయం నిర్ధారించుకోవచ్చు. మిగులు ఆదాయాన్ని బట్టి ప్రీ-పేమెంట్ క్కూడా ప్రణాళిక సిద్ధం చేసుకోవాలి. వడ్డీరేట్లు పెరిగితే ముందస్తు పేమెంట్స్ చేయడం ద్వారా ఈఎంఐలు పెరక్కుండా నివారించుకోవచ్చు.
హోంలోన్ తీసుకోవాలని నిర్ణయించుకున్న వారు తాము చెల్లించగల ఈఎంఐ సామర్థ్యానికి అనుగుణంగానే రుణ మొత్తం నిర్ణయించుకోవాలి. మీరు ఇంటికి తీసుకెళ్లే వేతనంలో 40 శాతం వరకు ఈఎంఐ చెల్లింపులకు బ్యాంకులు పర్మిట్ చేస్తాయి. అర్హత లేని అధిక మొత్తం లోన్ కోసం దరఖాస్తు చేస్తే బ్యాంకులు తిరస్కరిస్తాయి. కనుక ఇంటి రుణం కోసం దరఖాస్తు చేసుకునే వారు తొలుత తమ క్రెడిట్ అర్హత నిర్ధారించుకోవాలి. అలా చేయడంతో డౌన్ పేమెంట్కు డబ్బు చెల్లింపు తేలికవుతుంది. మొత్తం ఆస్తి విలువలో 20 శాతం డౌన్ పేమెంట్ చేస్తే.. రుణం ప్లస్ వడ్డీపై చెల్లించాల్సిన ఈఎంఐ భారం తగ్గుతుంది.
కొంత మంది క్రెడిట్ స్కోర్ తక్కువగా ఉంటుంది. తక్కువ ఆదాయం కూడా ఉంటుంది. అటువంటి వారి రుణ దరఖాస్తులను బ్యాంకులు రిజెక్ట్ చేస్తాయి. ఇటువంటి పరిస్థితుల్లో కో-అప్లికెంట్ను జత చేసుకోవడం వల్ల వారి రుణ అర్హత, అవకాశాలు పెరుగుతాయి.
ఒక వ్యక్తి సతీమణికి మంచి క్రెడిట్ స్కోర్ ఉందనుకున్నా.. కుటుంబ సభ్యుల్లో ఒక మహిళను కో-అప్లికెంట్గా చేర్చుకున్నా లోన్ వేగంగా మంజూరు కావడమే కాదు.. మహిళలకు ఇచ్చే వడ్డీ రేటు రాయితీ 0.05 శాతం పొందొచ్చు. కో- అప్లికెంట్ ఆదాయం కూడా కలిస్తే ఎక్కువ రుణం పొందొచ్చు. ఈఎంఐ పేమెంట్ తేలికవుతుంది.