ఇక బంగారు నగలపై హాల్‌మార్క్‌ తప్పనిసరి

నేటి నుంచే అమలు
న్యూఢిల్లీ, జూన్‌ 14: బంగారు ఆభరణాలు, కళాఖండాలపై మంగళవారం నుంచి హాల్‌మార్క్‌ తప్పనిసరిగా ఉండాల్సిందే. నిజానికి ఈ నెల 1 నుంచే ఈ నిబంధన అమల్లోకి రావాల్సి ఉండగా, కరోనా దృష్ట్యా 15 రోజులు వాయిదా వేశారు. కాగా, హాల్‌మార్క్‌ నిబంధన అమలు కోసం భారతీయ ప్రమాణాల బ్యూరో (బీఐఎస్‌) డైరెక్టర్‌ జనరల్‌ ప్రమోద్‌ తివారీ నేతృత్వంలో ఓ కమిటీ పనిచేయనున్నది.

• బంగారం నాణ్యతను ధ్రువీకరించేదే ఈ హాల్‌మార్క్‌
• హాల్‌మార్క్‌తో నగల కొనుగోళ్లలో మోసాల నుంచి వినియోగదారులకు రక్షణ
• ఇకపై 14, 18, 22 క్యారెట్ల బంగారు నగలనే అమ్మేందుకు వ్యాపారులకు అనుమతి
• మార్కెట్‌లో ప్రస్తుతం 40 శాతం బంగారు నగలపైనే హాల్‌మార్క్‌
• దేశంలోని 4 లక్షల జ్యుయెల్లర్స్‌లో 35,879 మందికే బీఐఎస్‌ గుర్తింపు