Khushnav Khirwar: ఓ నాలుగేళ్ల బాలుడు తన హావభావాలు, డ్యాన్స్తో.. ఓలా వ్యవస్థాపకుడు, సీఈవో అయిన భవీశ్ అగర్వాల్ మనసు దోచాడు. ఖుష్నవ్ ఖిన్వర్ అనే నాలుగేళ్ల బాలుడు ‘ఓలా ఎలక్ట్రిక్’, ‘ఓలా డ్యాన్స్’ ఇలా ఓలా అనే పదం తప్పకుండా వచ్చేలా కొన్ని పదాలను ఉచ్చరిస్తూ ముద్దుముద్దుగా డ్యాన్స్లు వేస్తున్నాడు. ఆ డ్యాన్స్లకు సంబంధించిన వీడియోలను సోషల్ మీడియాలో షేర్ చేస్తున్నాడు.
ఈ క్రమంలో తాజాగా అలాంటిదే ఓ వీడియోను ఎక్స్ (X) లో షేర్ చేస్తూ.. దానికి ఇచ్చిన క్యాప్షన్లో ఓలా సీఈవో అగర్వాల్కు ఒక అభ్యర్థన చేశాడు. ఓలా కొత్తగా నిర్మిస్తున్న ఫ్యాక్టరీని సందర్శించే అవకాశం తనకు కల్పించాలని కోరాడు. ‘భవీశ్ అంకుల్.. నేను ఆగ్రా నుంచి రాక్స్టార్ ఖుష్నవ్ను. దయచేసి నాకు ఓలా ఫ్యూచర్ ఫ్యాక్టరీని సందర్శించే అవకాశం కల్పించండి’ అంటూ హిందీలో క్యాప్షన్ ఇచ్చాడు.
ఖుష్నవ్ అభ్యర్థనకు భవీశ్ అగర్వాల్ ముగ్ధుడయ్యారు. బాలుడి పోస్టుపై సానుకూలంగా స్పందించారు. ‘నీవు వేస్తున్న స్టెప్పులు నాకు బాగా నచ్చాయి. ఓలా ఫ్యూచర్ ఫ్యాక్టరీ మీద, ఓలా కంపెనీ మీద నువ్వు చూపిస్తున్న ఉత్సుకత నాకు చాలా సంతోషాన్ని కలిగిస్తున్నది’ అని రిప్లై ఇచ్చారు. ఓలా ఫ్యూచర్ ఫ్యాక్టరీ సందర్శనకు తల్లిదండ్రులతో కలిసి రావాలని ఆహ్వానించారు. ‘ఖుష్నవ్.. వచ్చేసెయ్. ఫ్యూచర్ ఫ్యాక్టరీ సందర్శనకు ప్లాన్ చేసుకో. మీ పేరెంట్స్ను కూడా తీసుకురా. ఆనందభరిత క్షణాలను వాళ్లు మిస్ కావద్దు’ అని భవీశ్ అగర్వాల్ పేర్కొన్నారు.
కాగా తమిళనాడులోని కృష్ణగిరిలో దాదాపు 500 ఎకరాల విస్తీర్ణంలో ‘ఓలా ఎలక్ట్రిక్’ సంస్థ.. ప్రపంచంలోనే అతిపెద్ద ఎలక్ట్రిక్ వాహనాల తయారీ కర్మాగారాన్ని ప్రారంభించనుంది. ఈ కంపెనీని పూర్తిగా మహిళలే నడుపుతారని ఇప్పటికే ఓలా సీఈవో భవీశ్ అగర్వాల్ ప్రకటించారు. ప్రపంచంలో అందరూ మహిళలే పనిచేస్తున్న అతిపెద్ద కంపెనీగా ఈ ఫ్యూచర్ ఫ్యాక్టరీ నిలుస్తుందని ఆయన పేర్కొన్నారు.
Bhavish Uncle , i am Rockstar Khushnav from Agra. Apni Ola ki future factory ki visit kara dijiye please 🙏. Thanks in advance.@OlaElectric @bhash #EndICEage pic.twitter.com/PPqxBEyFPc
— Khushnav Khirwar (@khushnavkk) January 15, 2024