ఎఫ్‌డీ వడ్డీరేట్లను పెంచిన కెనరా బ్యాంక్‌

ప్రభుత్వ రంగ బ్యాంకింగ్‌ సంస్థ కెనరా బ్యాంక్‌.. ఫిక్స్‌డ్‌ డిపాజిట్ల (ఎఫ్‌డీ) వడ్డీరేట్లను పెంచింది. వివిధ కాలపరిమితుల ఆధారంగా 25 బేసిస్‌ పాయింట్ల వరకు వడ్డీరేట్లను పెంచుతూ నిర్ణయం తీసుకున్నది.

న్యూఢిల్లీ, మార్చి 3: ప్రభుత్వ రంగ బ్యాంకింగ్‌ సంస్థ కెనరా బ్యాంక్‌.. ఫిక్స్‌డ్‌ డిపాజిట్ల (ఎఫ్‌డీ) వడ్డీరేట్లను పెంచింది. వివిధ కాలపరిమితుల ఆధారంగా 25 బేసిస్‌ పాయింట్ల వరకు వడ్డీరేట్లను పెంచుతూ నిర్ణయం తీసుకున్నది. మారిన వడ్డీరేట్లు ఈ నెల 1 నుంచే అమల్లోకి వచ్చాయని ఓ ప్రకటనలో కెనరా బ్యాంక్‌ తెలియజేసింది. ఏడాది కాలపరిమితి ఎఫ్‌డీలపై వడ్డీరేటును 5.1 శాతానికి పెంచిన బ్యాంక్‌.. ఏడాది-రెండేండ్ల ఎఫ్‌డీలకు 5.15 శాతం వడ్డీరేటును ఆఫర్‌ చేసింది. 2-3 ఏండ్ల ఎఫ్‌డీలకు 5.2 శాతం, 3-5 ఏండ్లకు 5.45 శాతం చొప్పున వడ్డీరేట్లను ప్రకటించింది. ఇక 5-10 ఏండ్ల ఎఫ్‌డీలపై గరిష్ఠంగా 25 బేసిస్‌ పాయింట్లను పెంచుతూ వడ్డీరేటును 5.5 శాతంగా నిర్ణయించారు. కాగా, సీనియర్‌ సిటిజన్లు చేసే ఎఫ్‌డీలన్నింటిపై వడ్డీరేటు అదనంగా 50 బేసిస్‌ పాయింట్లు ఎక్కువే ఉంటుందని ఈ సందర్భంగా కెనరా బ్యాంక్‌ స్పష్టం చేసింది.