ఐటీ, డిఫెన్స్‌ రంగాల్లో పెట్టుబడులు పెట్టండి.. జర్మనీ పార్లమెంట్‌ బృందంతో డిప్యూటీ సీఎం భట్టి విక్రమార్క

ఐటీ, డిఫెన్స్‌, ఫార్మా వంటి పలు రంగాల్లో పెట్టుబడులు పెట్టాలని జర్మనీ పార్లమెంట్‌ బృందానికి డిప్యూటీ సీఎం మల్లు భట్టివిక్రమార్క సూచించారు.

హైదరాబాద్‌, డిసెంబర్‌ 12 (నమస్తే తెలంగాణ): ఐటీ, డిఫెన్స్‌, ఫార్మా వంటి పలు రంగాల్లో పెట్టుబడులు పెట్టాలని జర్మనీ పార్లమెంట్‌ బృందానికి డిప్యూటీ సీఎం మల్లు భట్టివిక్రమార్క సూచించారు. జర్మనీ-భారత్‌ దేశాల మధ్య సుదీర్ఘకాలంగా స్నేహబంధం కొనసాగుతున్నదని, ఇది రాబోయే రోజుల్లో మరింత బలపడి ముందుకు సాగాలని ఆశిస్తున్నట్టు ఆయన అన్నారు.

ప్రజాభవన్‌లో శుక్రవారం ఐటీ శాఖ మంత్రి శ్రీధర్‌బాబుతో కలిసి జర్మనీ బృందంతో ప్రత్యేకంగా సమావేశమయ్యారు. ఈ సందర్భంగా భట్టి మాట్లాడుతూ.. ఐటీ, డిఫెన్స్‌, ఫార్మా రంగాల్లో పెట్టుబడులు పెట్టిన జర్మనీ సంస్థలకు అన్ని రకాలుగా సహాయ సహకారాలు అందించనున్నట్లు ఆయన హామీ ఇచ్చారు.