Audi Q3 Sportback | లగ్జరీ కార్ల తయారీ సంస్థ ఆడి ఇండియా.. దేశీయ మార్కెట్లోకి ఎంట్రీ లెవెల్ `కూపె ఎస్యూవీ క్యూ3 స్పోర్ట్ బ్యాక్ (coupe SUV Q3 Sportback)` కారును తీసుకొచ్చింది. ఇది కేవలం 7.3 సెకన్లలో 100 కి.మీ. వేగంతో దూసుకెళ్లగలుగుతుంది. న్యూ ఆడీ క్యూ3 కారు ధర రూ.51.43 లక్షలుగా నిర్ణయించింది. ఈ కారుపై ఆసక్తి గల వారు రూ.2 లక్షలు చెల్లించి ప్రీ-బుకింగ్ చేసుకోవచ్చు.
ఆల్ న్యూ 2023 ఆడి క్యూ3 స్పోర్ట్ బ్యాక్ కారు.. టర్బో బ్లూ, గ్లాసియర్ వైట్, చ్రోనోస్ గ్రే, మైథోస్ బ్లాక్, నవరత్న బ్లూ కలర్స్లో లభిస్తుంది. సింగిల్ ఫుల్లీ-లోడెడ్ టెక్నాలజీ +ఎస్ లైన్ ట్రిమ్తో ఆఫర్ చేస్తున్నది. గతేడాది ఆగస్టులో రెండు వేరియంట్లలో క్యూ3 కార్లను ఆవిష్కరించింది. క్యూ3 ప్రీమియం ప్లస్ వేరియంట్ కారు రూ.44.89 లక్షలు, టెక్నాలజీ వేరియంట్ కారు ధర రూ.50.39 లక్షలు పలికింది.
క్యూ3 ప్రీమియం ప్లస్ – రూ.44.89 లక్షలు.
క్యూ3 టెక్నాలజీ – రూ.50.39 లక్షలు
క్యూ3 స్పోర్ట్ బ్యాక్ టెక్నాలజీ + ఎస్ లైన్ – రూ. 51.43 లక్షలు.
సెకండ్ జనరేషన్ ఆడి క్యూ3 అన్ని వేరియంట్ కార్లలో 2.0-లీటర్ల టీఎఫ్ఎస్ఐ టర్బోచార్జ్డ్ పెట్రోల్ మోటార్ ఇంజిన్ ఉంటుంది. ఇది 190 బీహెచ్పీ విద్యుత్, 320 ఎన్ఎం టార్చి వెలువరిస్తుంది. 7-స్పీడ్ డీసీటీ గేర్బాక్స్ కలిగి ఉంటుంది. ఫోక్స్ వ్యాగన్ టైగూన్, స్కోడా కుషాక్ కార్లలోనూ ఈ ఇంజిన్ ఏర్పాటు చేశారు. కేవలం 7.3 సెకన్లలో 100 కి.మీ. స్పీడ్ అందుకోగలుగుతుంది.