Visit:
YS Jagan | ఫ్లైదుబాయ్ విమాన కెప్టెన్ స్మిట్‌ మచ్చార్‌పై(Pilot Smit Machchhar )మాజీ సీఎం వైఎస్‌ జగన్(YS Jagan) ప్రశంసలు కురిపించారు. ఫ్లైదుబాయ్ విమాన ఘటన విషయమై వైఎస్‌ జగన్ ఎక్స్‌ వేదికగా స్పందించారు. ఇజ్రాయెల్ వెళ్తున్న ఫ్లైదుబాయ్ విమానంలో గగనతలంలో జరిగిన దాడిలో తీవ్రంగా గాయపడినప్పటికీ, ప్రయాణికులను కాపాడటంలో చూపిన ధైర్యానికి ఆయన అసాధారణ ధైర్యసాహసాలు ప్రదర్శించారని పొగ‌డ్త‌ల‌తో ముంచెత్తారు. ప్రాణాల‌కు తెగించి ప్రయాణికుల భద్రతే లక్ష్యంగా మచ్చార్‌ ధైర్యంగా నిలిచారని జగన్ తెలిపారు. ఆయన ధైర్యం, త్యాగం, నిస్వార్థ సేవ ప్రశంసనీయమన్నారు. స్మిట్‌ మచ్చార్‌ దేశం గర్వించదగ్గ నిజమైన హీరో అని కొనియాడారు. అలాగే, కెప్టెన్ స్మిట్‌ మచ్చార్‌ త్వరగా కోలుకోవాలని వైఎస్‌ జగన్ ఆకాంక్షించారు.
అలాగే మచ్చర్ ధైర్య సాహాసాల‌ను పీఎం మోదీ ప్ర‌శంసించారు. మచ్చర్ శౌర్యం వందలాది ప్రాణాలను కాపాడటానికి, ఒక పెద్ద విషాదాన్ని నివారించడానికి సహాయపడిందన్నారు. అతని శౌర్యం వందలాది ప్రాణాలను కాపాడటానికి, ఒక పెద్ద విషాదాన్ని నివారించడానికి సహాయపడిందని కెప్టెన్ మచ్చర్ పట్ల భారత్ గర్విస్తోంది. ఆయన త్వరగా కోలుకోవాలని, తిరిగి పూర్తి శక్తిని, ఆరోగ్యాన్ని పొందాలని ప్రార్థిస్తున్నానని ఆయన పేర్కొన్నారు.
