నేడు శ్రీవారి ఆర్జిత, అంగప్రదక్షిణం టికెట్లు విడుదల

TTD | కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారి అంగప్రదక్షిణం, శ్రీవారి ఆర్జిత సేవా టికెట్లను టీటీడీ నేడు విడుదల చేయనుంది. నవంబర్‌ నెలకు సంబంధించిన అంగప్రదక్షిణం

తిరుమల: కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారి అంగప్రదక్షిణం, శ్రీవారి ఆర్జిత సేవా టికెట్లను టీటీడీ నేడు విడుదల చేయనుంది. నవంబర్‌ నెలకు సంబంధించిన అంగప్రదక్షిణం కోటా టికెట్లను ఉదయం 10 గంటలకు తిరుమల తిరుపతి దేవస్థానం ఆన్‌లైన్‌లో అందుబాటులో ఉంచనుంది. అదేవిధంగా డిసెంబర్‌ నెలకు సంబంధించిన ఆర్జిత సేవా టికెట్లను మధ్యాహ్నం 3 గంటలకు విడుదల చేయనున్నారు.

ఇక డిసెంబర్‌ నెల శ్రీవారి సేవా టికెట్ల ఎలక్ట్రానిక్‌ డిప్‌ రిజిస్ట్రేషన్లను ఈ నెల 22న ఉదయం 10 గంటలకు ఆన్‌లైన్‌లో ప్రారంభించి 24వ తేదీ ఉదయం 10 గంటలకు ముగించనున్నారు. అనంతరం డిప్‌ను నిర్వహించి టికెట్లు పొందిన వారికి సమాచారాన్ని అందించనున్నారు. కాగా, ఈ నెల 24న దీపావళి, 25న సూర్యగ్రహణం, నవంబర్‌ 8న చంద్రగ్రహణం ఉండటంతో ఈ మూడురోజుల్లో బ్రేక్‌ దర్శనాలను టీటీడీ రద్దుచేసింది. అందువల్ల ఈ నెల 23న, నవంబర్‌ 7న సిఫార్సు లేఖలు స్వీకరించడం లేదని తెలిపింది.