9 గంటలకు శ్రీవారి ప్రత్యేక ప్రవేశ దర్శనం టికెట్లు విడుదల

TTD | కలియుగ ప్రత్యక్షదైవం తిరుమల శ్రీ వెంకటేశ్వర స్వామివారి ప్రత్యేక ప్రవేశ దర్శనం టికెట్లను టీటీడీ (TTD) నేడు విడుదల చేయనుంది. బుధవారం ఉదయం 9 గంటలకు నవంబర్‌ నెలకు

తిరుమల: కలియుగ ప్రత్యక్షదైవం తిరుమల శ్రీ వెంకటేశ్వర స్వామివారి ప్రత్యేక ప్రవేశ దర్శనం టికెట్లను టీటీడీ (TTD) నేడు విడుదల చేయనుంది. బుధవారం ఉదయం 9 గంటలకు నవంబర్‌ నెలకు సంబంధించిన రూ.300 ప్రత్యేక దర్శనం టికెట్లను ఆన్‌లైన్‌లో అందుబాటులో ఉంచనుంది. అదేవిధంగా నవంబర్‌ నెలకు కోటాకు చెందిన కల్యాణోత్సవం, సహస్ర దీపాలంకార సేవ, ఊంజల్‌ సేవ, ఆర్జిత సేవా టికెట్లను మధ్యాహ్నం 3 గంటలకు విడుదల చేయనుంది.

మొదట వచ్చినవారికి మొదట కేటాయింపు ప్రాతిపదికన టికెట్లను జారీచేయనున్నారు. ఇక ఆర్జిత సేవల లక్కీడిప్‌ రిజిస్ట్రేషన్లు నేడు అందుబాటులోకి రానున్నాయి. వీటితోపాటు అక్టోబర్‌ నెలకు సంబంధించిన అంగప్రదక్షిణం టికెట్లను టీటీడీ గురువారం ఆన్‌లైన్‌లో విడుదల చేయనుంది.