Visit:
Tirumala Brahmotsavalu | తిరుమల శ్రీవారి బ్రహ్మోత్సవాలకు సంబంధించి షెడ్యూల్‌ వచ్చేసింది. ఈ నెల 24వ తేదీ నుంచి అక్టోబర్‌ 2వ తేదీ వరకు సాలకట్ల బ్రహ్మోత్సవాలను నిర్వహించనున్నారు. సెప్టెంబర్‌ 23వ తేదీ సాయంత్రం అంకురార్పణతో ఈ ఉత్సవాలు ప్రారంభం కానున్నాయని టీటీడీ తెలిపింది. శ్రీవారి బ్రహ్మోత్సవాల సందర్భంగా సెప్టెంబర్‌ 16వ తేదీన శ్రీవారి ఆలయంలో కోయిల్‌ ఆళ్వార్‌ తిరుమంజనం నిర్వహించనున్నారు. బ్రహ్మోత్సవాల్లో భాగంగా ప్రతిరోజు ఉదయం 8 గంటల నుంచి 10 గంటల వరకు సాయంత్రం 7 గంటల నుంచి 9 గంటల వరకు వాహన సేవలు ఉంటాయి.
సెప్టెంబర్‌ 23వ తేదీ సాయంత్రం సాలకట్ల బ్రహ్మోత్సవాల అంకురార్పణ
సెప్టెంబర్‌ 24వ తేదీ సాయంత్రం5.43 గంటల నుంచి 6.15 గంటల మధ్యలో మీన లగ్నంలో ధ్వజారోహణం, రాత్రి 9 గంటలకు పెద్ద శేష వాహన సేవ
సెప్టెంబర్‌ 25వ తేదీ ఉదయం 8 గంటలకు చిన్న శేష వాహనం, మధ్యాహ్నం 1 గంట నుంచి 3 గంటల వరకు స్వపనం, రాత్రి 7 గంటలకు హంస వాహన సేవ
సెప్టెంబర్‌ 26వ తేదీ ఉదయం 8 గంటలకు సింహ వాహన సేవ, మధ్యాహ్నం 1 గంటకు స్వపనం, రాత్రి 7 గంటలకు ముత్యపు పందిరి వాహన సేవ
సెప్టెంబర్‌ 27వ తేదీ ఉదయం 8 గంటలకు కల్పవృక్షం వాహన సేవ, మధ్యాహ్నం 1 గంటలకు స్వపనం, రాత్రి 7 గంటలకు సర్వభూపాల వాహన సేవ
సెప్టెంబర్‌ 28వ తేదీ ఉదయం 8 గంటలకు మోహినీ అవతారం, సాయత్రం 6.30 గంటలకు గరుడ వాహన సేవ
సెప్టెంబర్‌ 29వ తేదీ ఉదయం 8 గంటలకు హనుమంత వాహనం, సాయంత్రం 4 గంటలకు స్వర్ణ రథం, రాత్రి 7 గంటలకు గజ వాహన సేవ
సెప్టెంబర్‌ 30వ తేదీ ఉదయం 8 గంటలకు సూర్యప్రభ వాహనం, రాత్రి 7 గంటలకు చంద్రప్రభ వాహన సేవ
అక్టోబర్‌ 1న ఉదయం 7 గంటలకు రథోత్సవం, రాత్రి 7 గంటలకు అశ్వ వాహన సేవ
అక్టోబర్‌ 2వ తేదీ ఉదయం 6 గంటల నుంచి 9 గంటల వరకు చక్రస్నానం, రాత్రి 8.30 గంటల నుంచి 10 గంటల వరకు ధ్వజావరోహణం
