చిత్తూరులో రోడ్డు ప్రమాదం.. తల్లీకొడుకు మృతి

Road accident| ఏపీలో జరిగిన రోడ్డు ప్రమాదంలో తల్లీకొడుకు మృతి చెండటంతో వారి కుటుంబంలో విషాదం నెలకొన్నది. చిత్తూరు జిల్లా గంగవరం మండలం

అమరావతి : ఏపీలో జరిగిన రోడ్డు ప్రమాదంలో తల్లీకొడుకు మృతి చెండటంతో వారి కుటుంబంలో విషాదం నెలకొన్నది. చిత్తూరు జిల్లా గంగవరం మండలం నాలుగు రోడ్ల వద్ద ఆగి ఉన్న లారీని కారు ఢీకొన్నది. దీంతో కారులో ఉన్న తల్లి, కుమారుడు అక్కడికక్కడే మృతి చెందారు. సమాచారం అందుకున్న పోలీసులు ఘటనా స్థలానికి చేరుకుని మృతదేహాలను ఆస్పత్రికి తరలించారు.

మృతులు బెంగళూరుకు చెందిన గాయత్రి (30), కుమారుడు విథున్ (3) గా గుర్తించారు. మృతురాలి భర్త , కుమార్తె కారులో ఇరుక్కు పోయి తీవ్రంగా గాయపడ్డారు. క్షతగాత్రులను పలమనేరు ప్రభుత్వాసుపత్రికి తరలించి చికిత్స అందిస్తున్నారు. ప్రమాద తీవ్రతకు కారు నుజ్జునుజ్జయింది.