NTR Brith Anniversary | ఎన్టీఆర్‌ జయంతి సందర్భంగా ప్రధాని మోదీతో సహ ప్రముఖుల నివాళి

NTR Brith Anniversary | దివంగత మాజీ ముఖ్యమంత్రి, ప్రముఖ నటుడు నందమూరి తారకరామారావు 101వ జయంతి సందర్భంగా ప్రధాని నరేంద్ర మోదీ తో పాటు పలువురు ప్రముఖులు నివాళులు అర్పించారు.

అమరావతి : దివంగత మాజీ ముఖ్యమంత్రి, ప్రముఖ నటుడు నందమూరి తారకరామారావు (NTR Birth Anniversary) 101వ జయంతి సందర్భంగా ప్రధాని నరేంద్ర మోదీ (PM Modi) తో పాటు పలువురు ప్రముఖులు నివాళులు అర్పించారు. తెలుగు సినిమాకు ఎన్టీఆర్‌ గొప్ప స్ఫూర్తి అని, దూరదృష్టి కలిగిన రాజకీయ నాయకుడని మోదీ ట్వీట్‌ (Tweet) లో కొనియాడారు. సినీ, రాజకీయ రంగాల్లో ఎన్టీఆర్‌ సేవలు మరువలేనివని , వెండితెరపై ఎన్నో మరపురాని పాత్రలో నటించి మెప్పించారని పేర్కొన్నారు. ఎన్టీఆర్‌ ఆశయాల సాధనకు కృషి చేస్తామని ఆయన అన్నారు.

Remembering the legendary NTR on his birth anniversary. He was a remarkable icon of Telugu cinema and a visionary leader. His contributions to film and politics continue to inspire generations. From his unforgettable roles on screen to his transformative leadership, he is fondly…

— Narendra Modi (@narendramodi) May 28, 2024

ప్రధానికి చంద్రబాబు రీట్వీట్
ఎన్టీఆర్‌ జయంతి సందర్భంగా ప్రధాని చేసిన ట్వీట్‌కు టీడీపీ అధ్యక్షుడు చంద్రబాబు నాయుడు స్పందించి ట్వీట్‌ చేశారు. ఎన్టీఆర్‌ తెర ముందు, తెర వెనకా ఓ లెజెండ్‌ అని ఆయన పేర్కొన్నారు . పేదల సంక్షేమం, అభివృద్ధి వికేంద్రీకరణతో ఎన్టీఆర్‌ పోరాటం మనందరికీ స్ఫూర్తి అని అన్నారు. ఆయన నిస్వార్థ ప్రజాసేవా స్ఫూర్తి అందరి హృదయాల్లో ప్రకాశిస్తోందని వెల్లడించారు.