Joseph Ravan | వారం రోజుల పోలీస్ క‌స్ట‌డీకి యూట్యూబ‌ర్ జోసెఫ్ రావ‌ణ్‌..!

Joseph Ravan | యూట్యూబ‌ర్ బచ్చలకూరి జోసెఫ్ రావ‌ణ్‌కు వారం రోజుల పోలీస్ క‌స్ట‌డీ విధించారు. సోషల్ మీడియా వేదికగా విద్వేషపూరిత వ్యాఖ్యలు చేయ‌డం, చట్ట వ్యతిరేక కార్యకలాపాలను ప్రేరేపించడం లాంటి తీవ్ర ఆరోపణలను ఆయ‌న ఎదుర్కొంటున్నారు. ఈ కేసు విచార‌ణ జ‌రిపిన గన్నవరం న్యాయస్థానం గురువారం కీలక ఉత్తర్వులు వెలువరించింది.

Joseph Ravan : యూట్యూబ‌ర్ బచ్చలకూరి జోసెఫ్ రావ‌ణ్‌కు వారం రోజుల పోలీస్ క‌స్ట‌డీ విధించారు. సోషల్ మీడియా వేదికగా విద్వేషపూరిత వ్యాఖ్యలు చేయ‌డం, చట్ట వ్యతిరేక కార్యకలాపాలను ప్రేరేపించడం లాంటి తీవ్ర ఆరోపణలను ఆయ‌న ఎదుర్కొంటున్నారు. ఈ కేసు విచార‌ణ జ‌రిపిన గన్నవరం న్యాయస్థానం గురువారం కీలక ఉత్తర్వులు వెలువరించింది.

ఈ కేసు విచారణలో భాగంగా జోసెఫ్‌ను ఏడు రోజులపాటు పోలీస్ కస్టడీకి అనుమతిస్తూ కోర్టు ఆదేశాలు జారీచేసింది. కోర్టు ఉత్తర్వుల మేరకు రేపు (సెప్టెంబరు 18) ఉదయం గన్నవరం పోలీసులు అతడిని కస్టడీకి తీసుకోనున్నారు. యువతను రెచ్చగొట్టేలా వీడియోలు రూపొందించడం, ఏలూరులో నిర్వహించిన ఓ సమావేశంలో నక్సలిజం వైపు మళ్లేలా ప్రసంగాలు చేశారనే ఆరోపణలపై ఏపీ పోలీసులు ఆయనపై చట్టవ్యతిరేక కార్యకలాపాల నిరోధక చట్టం (UAPA) కింద కేసు నమోదు చేసి అరెస్ట్ చేశారు.

ఈ కుట్ర వెనుక ఉన్న అసలు నెట్‌వర్క్, మాజీ ఐఏఎస్, ఐపీఎస్ అధికారులతో ఉన్న సంబంధాలు, దీని వెనుక ఉన్న రాజకీయ ప్రయోజనాల కోణంలో లోతుగా విచారించాల్సిన అవసరం ఉందని పోలీసులు కోర్టులో పిటిషన్ దాఖలు చేశారు. పోలీసుల వాదనలతో ఏకీభవించిన న్యాయస్థానం, వారం రోజుల కస్టడీకి అంగీకరించడంతో రాబోయే విచారణలో మరిన్ని కీలక విషయాలు వెలుగులోకి వచ్చే అవకాశం ఉన్న‌ది.