AP News | పోలింగ్ కేంద్రంలో బ్యాలెట్ బాక్సును ప‌గుల‌గొట్టిన వైసీపీ..!

AP News | ఏపీలో ఎంపీటీసీ, జడ్పీటీసీ ఎన్నికల పోలింగ్ కొన‌సాగుతున్న‌ది. ఈ సంద‌ర్భంగా ప‌లు దిక్కుల ఉద్రిక్త‌త‌లు చోటుచేసుకున్నాయి. అనంతపురం జిల్లాలో వైసీపీ కార్య‌క‌ర్త‌లు బ్యాలెట్‌ బాక్సును ధ్వంసం చేశారు. కూడేరు మండలం మరుట్లలోని పోలింగ్‌ కేంద్రంలో ఈ ఘటన చోటుచేసుకుంది. పోలింగ్‌ బూత్‌ నుంచి బ్యాలెట్‌ బాక్సును బయటకు విసిరి రాళ్లతో బద్దలుకొట్టారు.

AP News : ఏపీలో ఎంపీటీసీ, జడ్పీటీసీ ఎన్నికల పోలింగ్ కొన‌సాగుతున్న‌ది. ఈ సంద‌ర్భంగా ప‌లు దిక్కుల ఉద్రిక్త‌త‌లు చోటుచేసుకున్నాయి. అనంతపురం జిల్లాలో వైసీపీ కార్య‌క‌ర్త‌లు బ్యాలెట్‌ బాక్సును ధ్వంసం చేశారు. కూడేరు మండలం మరుట్లలోని పోలింగ్‌ కేంద్రంలో ఈ ఘటన చోటుచేసుకుంది. పోలింగ్‌ బూత్‌ నుంచి బ్యాలెట్‌ బాక్సును బయటకు విసిరి రాళ్లతో బద్దలుకొట్టారు. ఈ అరాచకాన్ని అడ్డుకున్న పోలీసులపైనా వైసీపీ నేతలు దాడికి పాల్పడ్డారు.

ఈ ఘ‌ట‌న‌ల్లో ఇద్దరు కానిస్టేబుళ్లకు గాయాలయ్యాయి. అనంతపురం జిల్లా బ్రహ్మసముద్రం మండలం పోలేపల్లిలో టీడీపీ కార్యకర్తలపై వైసీపీ మూకదాడికి పాల్పడింది. పోలింగ్‌ కేంద్రం వెలుపల వైసీపీ కార్య‌క‌ర్త‌లు టీడీపీ కార్యకర్తలను కొట్టుకుంటూ తీసుకెళ్లారు. శెట్టూరు మండలం చిందర్లపల్లిలో టీడీపీ ఏజెంట్లపై వైసీపీ నేతలు దాడి చేశారు. పోలింగ్‌ కేంద్రంలోనే ఈ ఘటన చోటుచేసుకుంది. గాయపడిన అమిలినేని యశ్వంత్ ఆస్ప‌త్రిలో చికిత్స‌పొందుతున్నాడు.