AP News | క‌డ‌ప జిల్లాలో తీవ్ర ఉద్రిక్త‌త‌ల న‌డుమ జ‌డ్పీటీసీ, ఎంపీటీసీ ఎన్నిక‌ల పోలింగ్‌..!

AP News | కడప జిల్లాలో ఎంపీటీసీ, జడ్పీటీసీ ఎన్నికల పోలింగ్ తీవ్ర ఉద్రిక్తతల న‌డుమ‌ సాగుతున్న‌ది. పులివెందుల నియోజకవర్గంలో హింసాత్మక ఘటనలు చోటుచేసుకుంటున్నాయి. పులివెందుల మండలం ఎర్రిపల్లెలోని పోలింగ్ బూత్ వద్ద పరిస్థితి అదుపుతప్పి పెట్రోల్ బాంబుల దాడుల వరకు వెళ్లింది.

AP News : కడప జిల్లాలో ఎంపీటీసీ, జడ్పీటీసీ ఎన్నికల పోలింగ్ తీవ్ర ఉద్రిక్తతల న‌డుమ‌ సాగుతున్న‌ది. పులివెందుల నియోజకవర్గంలో హింసాత్మక ఘటనలు చోటుచేసుకుంటున్నాయి. పులివెందుల మండలం ఎర్రిపల్లెలోని పోలింగ్ బూత్ వద్ద పరిస్థితి అదుపుతప్పి పెట్రోల్ బాంబుల దాడుల వరకు వెళ్లింది. ఎర్రిపల్లెలోని పోలింగ్ కేంద్రం వద్దకు పెద్ద సంఖ్యలో వైసీపీ కార్యకర్తలు చేరుకున్నారు. కార్య‌క‌ర్త‌లు పోలింగ్ బూత్‌లోకి వెళ్లేందుకు ప్రయత్నించగా.. విధుల్లో ఉన్న పోలీసులు వారిని అడ్డుకున్నారు.

ఇదే సమయంలో అక్కడున్న టీడీపీ శ్రేణులకు, వైసీపీ కార్యకర్తలకు మధ్య తీవ్ర వాగ్వాదం మొదలైంది. చూస్తుండగానే మాటల యుద్ధం ముదిరి, ఇరువర్గాలు ఒకరిపై ఒకరు దాడులకు దిగారు. పెట్రోల్ బాంబులు, రాళ్లు విసురుకోవడంతో అక్కడ భయానక వాతావరణం నెలకొన్న‌ది. వెంటనే రంగంలోకి దిగిన పోలీసులు ఇరు వర్గాలను చెదరగొట్టారు. ఎలాంటి అవాంఛనీయ ఘటనలు పునరావృతం కాకుండా పోలింగ్ కేంద్రం వద్ద భారీగా బలగాలను మోహరించి, కట్టుదిట్టమైన భద్రత ఏర్పాటు చేశారు.