Mega DSC | ఏపీలో 16,347 పోస్టులతో మెగా డీఎస్సీ.. నోటిఫికేషన్‌ జారీ

Mega DSC | ఏపీలో మెగా డీఎస్సీకి సీఎం చంద్రబాబు నాయుడు గ్రీన్‌ సిగ్నల్‌ ఇచ్చారు. సచివాలయంలో ముఖ్యమంత్రిగా బాధ్యతలు స్వీకరించిన అనంతరం టీచర్‌ పోస్టుల భర్తీ ఫైల్‌పై తొలి సంతకం చేశారు. 16,347 పోస్టుల భర్తీకి అనుమతినిచ్చారు.

Mega DSC | ఏపీలో మెగా డీఎస్సీకి సీఎం చంద్రబాబు నాయుడు గ్రీన్‌ సిగ్నల్‌ ఇచ్చారు. సచివాలయంలో ముఖ్యమంత్రిగా బాధ్యతలు స్వీకరించిన అనంతరం టీచర్‌ పోస్టుల భర్తీ ఫైల్‌పై తొలి సంతకం చేశారు. 16,347 పోస్టుల భర్తీకి అనుమతినిచ్చారు. ఈ నేపథ్యంలో 6100 పోస్టుల భర్తీకి గతంలో వైసీపీ ప్రభుత్వం ఇచ్చిన నోటిఫికేషన్‌ను సవరిస్తూ కొత్త నోటిఫికేషన్‌ జారీ చేశారు.

ఈ ఏడాది మొదట్లో వైసీపీ ప్రభుత్వం 6,100 టీచర్‌ పోస్టులతో డీఎస్సీ నోటిఫికేషన్‌ విడుదల చేసింది. ఇందులో 2280 ఎస్టీటీ, 2299 స్కూల్‌ అసిస్టెంట్ 1264 టీజీటీ, 215 పీజీటీ, 42 ప్రిన్సిపల్‌ పోస్టులు ఉన్నాయి. అయితే గతంలో ఇచ్చిన ఈ నోటిఫికేషన్‌ను కొత్తగా ఏర్పాటైన కూటమి ప్రభుత్వం సవరించింది. ఎన్నికల హామీల మేరకు 16,347 పోస్టులతో మెగా డీఎస్సీని విడుదల చేసింది. ఇందులో ఎస్టీటీ 6,371; పీఈటీ 132; స్కూల్‌ అసిస్టెంట్‌ 7,725; టీజీటీ 1,781; పీజీటీ 286; ప్రిన్సిపల్‌ 52 పోస్టులు ఉన్నాయి.