ఐక్యతతోనే హక్కులను సాధింగలం : వక్తలు
తాండూర్ మండల కేంద్రం ఐబీలో ఆదివాసీ హక్కుల పోరాట సమితి తుడుందెబ్బ ఆధ్వర్యంలో కొమురం భీం వర్ధంతిని ఘనంగా నిర్వహించారు.
తాండూర్, అక్టోబర్ 28 : ఆదివాసీ వీరుడు, హక్కుల పోరాట యోధుడు, జల్-జంగల్- జమీన్ నినాద ప్రదాత కొమురం భీం వర్ధంతి వేడుకలను బుధవారం మంచిర్యాల జిల్లా తాండూర్ మండల కేంద్రం ఐబీలో ఆదివాసీ హక్కుల పోరాట సమితి తుడుందెబ్బ ఆధ్వర్యంలో ఘనంగా నిర్వహించారు. ఈ సందర్భంగా కొమురం భీం చిత్రపటానికి ఆదివాసీ సంఘం నాయకులు, వివిధ పార్టీల నాయకులు పూలమాలలు వేసి నివాళులర్పించారు. ఆయన చేసిన పోరాటాలను, ఆదివాసీ సమాజానికి అందించిన స్ఫూర్తిని నాయకులు స్మరించుకున్నారు. ఈ సందర్భంగా నాయకులు మాట్లాడుతూ కొమురం భీం తన జీవితాన్ని ఆదివాసీల హక్కుల పరిరక్షణ కోసం అంకితం చేశారని, భూమి, అడవి, నీటిపై ఆదివాసీలకు హక్కులు ఉండాలని పోరాటం చేశారని పేర్కొన్నారు.
ఆయన చూపిన పోరాట మార్గంలో పయనిస్తూ ఆదివాసీ హక్కుల పరిరక్షణకు ప్రతి ఒక్కరూ కృషి చేయాలని పిలుపునిచ్చారు. ఆదివాసీల ఐక్యతతోనే హక్కులను సాధించుకోగలమని, ఆదివాసీ సంస్కృతి, సంప్రదాయాలు, ఆచార వ్యవహారాలను కాపాడుకోవాల్సిన బాధ్యత ప్రతి ఒక్కరిపై ఉందని అన్నారు.
కొమురం భీం ఆశయాలను నేటి యువత ఆదర్శంగా తీసుకొని ఆదివాసీ సమాజ అభివృద్ధి కోసం ముందుకు సాగాలని పిలుపునిచ్చారు.
ఈ కార్యక్రమంలో ఆదివాసీ హక్కుల పోరాట సమితి తుడుందెబ్బ తాండూరు మండల అధ్యక్షుడు యాపాల సమ్మయ్య, తుడుందెబ్బ రాష్ట్ర ఉపాధ్యక్షుడు గడ్డం మణికుమార్, మంచిర్యాల జిల్లా కార్యనిర్వాహక అధ్యక్షుడు కుల్సెంగ బాపురావు, కొలవార్ సంక్షేమ సంఘం అధ్యక్షుడు గొలిశెట్టి బాపు, తుడుందెబ్బ విద్యార్ధి సంఘం మండల ప్రధాన కార్యదర్శి అల్లకొండ అంజి, నాయకులు సిరంగి శంకర్, సూరం రవీందర్ రెడ్డి, సర్పంచులు గాట్ల నర్సయ్య, ప్రభాత్-రావు అచ్చలపూర్ ఉపసర్పంచ్ గట్టు సంతోష్ కుమార్, తుడుందెబ్బ మండల నాయకులు, తదితరులు పాల్గొన్నారు.
Read Today's Latest Adilabad Adilabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

