మేమెట్లా బతికేది దేవుడా..!

జీవనాధారమైన గొర్రెలు వరిధాన్యం తిని మృత్యువాత పడగా, ఆయా కుటుంబాలు గుండెలవిసేలా రోదించాయి. ‘అయ్యో దేవుడా.. ఎంత పనాయే.. మేమెట్లా బతికేది’ అంటూ కన్నీరు పెట్టుకున్న తీరు అక్కడున్న వారిని కలచివేసింది. మంచిర్యాల జిల్లా చెన్నూర్‌ మండలం సుద్దాల గ్రామానికి చెందిన గానవేన పోచయ్య, తుర్కపల్లి గ్రామానికి చెందిన బట్టి శ్రీశైలం, అక్కల పోచయ్యకు చెందిన గొర్రెలు శనివారం మేతకు వెళ్లి వరి ధాన్యం తిన్నాయి.

• ధాన్యం తిని 40 గొర్రెలు మృతి
• మరో పదిహేడింటికి అస్వస్థత
• కన్నీరుమున్నీరైన బాధితులు

చెన్నూర్‌ రూరల్‌, నవంబర్‌ 30 : జీవనాధారమైన గొర్రెలు వరిధాన్యం తిని మృత్యువాత పడగా, ఆయా కుటుంబాలు గుండెలవిసేలా రోదించాయి. ‘అయ్యో దేవుడా.. ఎంత పనాయే.. మేమెట్లా బతికేది’ అంటూ కన్నీరు పెట్టుకున్న తీరు అక్కడున్న వారిని కలచివేసింది. మంచిర్యాల జిల్లా చెన్నూర్‌ మండలం సుద్దాల గ్రామానికి చెందిన గానవేన పోచయ్య, తుర్కపల్లి గ్రామానికి చెందిన బట్టి శ్రీశైలం, అక్కల పోచయ్యకు చెందిన గొర్రెలు శనివారం మేతకు వెళ్లి వరి ధాన్యం తిన్నాయి.

దీంతో 40 గొర్రెలు మృతి చెందగా, మరో 17 గొర్రెలు అస్వస్థతకు గురయ్యాయి. జిల్లా పశువైద్యాధికారి శంకర్‌, ఆస్నాద్‌, కత్తెరశాల పశువైద్యాధికారులు శ్రీనివాస్‌, సతీశ్‌ అక్కడికి చేరుకొని చికిత్స అందిస్తున్నారు. పీఏసీఎస్‌ చైర్మన్‌ చల్ల రాంరెడ్డి, యాదవసంఘం నాయకులు ఈర్ల మల్లికార్జున్‌ బాధితులను పరామర్శించారు. గొర్రెలు మృతి చెందడంతో తమ బతుకులు రోడ్డున పడ్డాయని, ప్రభుత్వం ఆదుకోవాలని యాజమానులు వేడుకుంటున్నారు.