మలబద్ధ్దకం సకల రోగాలకూ కారణం. మలబద్ధ్దకాన్ని జయిస్తే రుగ్మతలను గెలిచినట్లే.శరీరానికి కావాల్సిన శక్తిని, జీవక్రియకు అవసరమైన పోషకాలను, దేహానికి అందాల్సిన నీటిని జీర్ణవ్యవస్థే అందిస్తుంది. ‘సాఫీగా’ పనిచేసే ఆ వ్యవస్థను అస్తవ్యస్తం చేసేదేమలబద్ధ్దకం. ఇది శరీరాన్ని కుళ్లబొడవడమే కాదు మానసికంగానూ కుంగదీస్తుంది.మలబద్ధకానికి అనేక కారణాలు.. నీళ్లు తక్కువగా తాగడం, సమతులాహార లోపం, వేళకు తినకపోవడం, కొన్నిరకాల మందుల దుష్ప్రభావం, వివిధ వ్యాధుల ఫలితం.ఆహారపు అలవాట్లతో ఈ సమస్యను కొంతమేర నివారించవచ్చు.
రాస్బెర్రీ
రాస్బెర్రీ జీర్ణక్రియను పెంచుతుంది. మలబద్ధకాన్ని నివారిస్తుంది.
నారింజ
నిమ్మ జాతికి చెందిన నారింజలో విటమిన్-సితోపాటు పీచు పదార్థాలు పుష్కలంగా ఉంటాయి. నారింజ రసంలో ‘నారింగెనిన్’ అనే ఫ్లేవనాయిడ్ ఉంటుంది. ఇది మంచి విరేచనకారి.
కివీ
ఇందులో పీచు పదార్థాలు, నీరు అధికంగా ఉంటాయి. పేగు గోడల కదలికలను మెరుగుపరుస్తాయి.
ఫిగ్
ఇందులోని ఫైబర్ మల బద్ధకానికి సహజమైన మందుగా పనిచేస్తుంది. పేగు గోడలను మృదువుగా ఉంచుతుంది.
అరటి
అరటిలో పొటాషియం, ఎలక్ట్రోలైట్స్ ఉంటాయి. ఇవి జీర్ణక్రియను పూర్వస్థితికి తెస్తాయి. అరటి జీర్ణకోశ వ్యాధులను తగ్గిస్తుంది. డయేరియా (అతిసార వ్యాధి) నియంత్రణకు ఉపయోగపడుతుంది. బాగా పండిన అరటిపండ్ల్లు విరేచనకారిగా పనిచేస్తాయి.
యాపిల్
పెక్టిన్ ఫైబర్ అధికంగా ఉండే యాపిల్ను తీసుకోవడం వల్ల మలబద్ధకం నుంచి ఉపశమనం లభిస్తుంది. విరేచనం సాఫీగా సాగేందుకు .. పేగుల్లో కదలికలను ఈ ఫైబర్ ప్రేరేపిస్తుంది.