ఉమ్మడి పరిష్కారం

ఇంద్ర నూయి.. పెప్సికో మాజీ సీయీవో. తనకు మహిళల సమస్యల పట్ల లోతైన అవగాహన ఉంది. భారతీయ విలువలను అపారంగా గౌరవిస్తారు. ఆధునిక స్త్రీ ఎదుర్కొంటున్న సవాళ్లకు సనాతన సంప్రదాయంలోనే పరిష్కారం ఉందని చెబుతారు.

ఇంద్ర నూయి.. పెప్సికో మాజీ సీయీవో. తనకు మహిళల సమస్యల పట్ల లోతైన అవగాహన ఉంది. భారతీయ విలువలను అపారంగా గౌరవిస్తారు. ఆధునిక స్త్రీ ఎదుర్కొంటున్న సవాళ్లకు సనాతన సంప్రదాయంలోనే పరిష్కారం ఉందని చెబుతారు.

నేను ఉమ్మడి కుటుంబంలో పుట్టాను, పెరిగాను. ఎక్కడా సమస్య ఎదురుకాలేదు. మా అమ్మ పెద్దగా చదువుకోలేదు. కారణం, పెద్దలు ఒప్పుకోలేదు. నా విషయానికి వచ్చేసరికి.. పట్టుబట్టి చదివించింది. ప్రయోజకురాల్ని చేసింది. పిల్లల పెంపకంలో నాకు అండగా నిలబడింది. అత్తామామల వైపు నుంచి కూడా అంతే మద్దతు లభించింది. నిన్న విజయవంతమైన ఫార్ములా, నేడు ఎందుకు కాదు? నా అభిప్రాయం ప్రకారం.. ఉమ్మడి కుటుంబాలదే భవిష్యత్తు.

 

మహిళ ఎదుగుదల అయినా, కెరీర్‌ మీద ఫోకస్‌ అయినా.. ఉమ్మడి కుటుంబంలో ఉన్నప్పుడే సాధ్యం. అక్కడ సపోర్ట్‌ గ్రూప్‌ ఉంటుంది. ప్రేమించే మనుషులు ఉంటారు. నిజమే. ఆ వ్యవస్థలోనూ కొన్ని పరిమితులు ఉండవచ్చు. కానీ వాటితో పోలిస్తే ప్రయోజనాలే ఎక్కువ. మన తాతలు అనుసరించిన ఉమ్మడి కుటుంబ వ్యవస్థనే మనమూ యథాతథంగా కొనసాగించాలని లేదు. పరిస్థితులను బట్టి చిన్నచిన్న మార్పులు చేసుకుందాం. అంతమందీ ఒకే ఇంట్లో ఉండటం అసాధ్యం కావచ్చు. కానీ, ఒకే అపార్ట్‌మెంట్‌లో ఉండొచ్చు. ఒకే కాలనీలో ఇళ్లు తీసుకోవచ్చు. ఎవరు వద్దన్నారు? ఇలా, ఉమ్మడి కుటుంబ స్వరూపానికి చిన్నచిన్న మార్పులు చేసుకోవచ్చు. అంతే కానీ, మొత్తంగా కూల్చేయకూడదు.