గ్లామర్‌ టెక్నిక్‌.. క్యారెట్‌!

క్యారెట్‌ రసం, గుడ్డు తెల్లసొన, పెరుగు వేసి బాగా కలిపి ముఖానికి, కాళ్లూచేతులకు రాయాలి. ఇరవై నిమిషాల తర్వాత చల్లని నీళ్లతో కడిగేయాలి.

క్యారెట్‌ రసం, గుడ్డు తెల్లసొన, పెరుగు వేసి బాగా కలిపి ముఖానికి, కాళ్లూచేతులకు రాయాలి. ఇరవై నిమిషాల తర్వాత చల్లని నీళ్లతో కడిగేయాలి. ఇలా తరచూ చేస్తే ఎండ వల్ల వచ్చే మచ్చలు తగ్గిపోతాయి.
క్యారెట్‌ ముక్క, నానబెట్టిన బాదం పేస్ట్‌లా చేసి ముఖానికి రాసుకుని అరగంట తర్వాత కడిగేసుకోవాలి. ఇలా తరచూ చేస్తే ముఖంలో కొత్త మెరుపు వస్తుంది.

క్యారెట్‌ రసం, మీగడ కలిపి ముఖానికి రాసుకుని పదిహేను నిమిషాల తర్వాత కడిగేస్తే.. మోము కాంతిమంతం అవుతుంది.

క్యారెట్‌ రసం, మజ్జిగ, శనగపిండి, నిమ్మరసం బాగా కలిపి ముఖం, మెడచుట్టూ పూసుకుని.. అరగంట తర్వాత కడిగేస్తే ముఖంమీద జిడ్డుపోతుంది. ఇలా వారానికి రెండుసార్లు చేస్తే చాలు.

క్యారెట్‌ రసం, తేనె, దాల్చిన చెక్క పొడి కలిపిన మిశ్రమాన్ని ముఖానికి పూసుకుని.. అరగంట తర్వాత చల్లటి నీటితో కడుక్కోవాలి. దీనివల్ల మొటిమలు, వాటి తాలూకు మచ్చలు పోతాయి.

క్యారెట్‌ రసం, తేనె, ఆలివ్‌ నూనె కలిపి ముఖానికి పట్టించాలి. అరగంట తర్వాత గోరువెచ్చని నీటితో కడిగేస్తే మంచి ఫలితం ఉంటుంది.