మొక్కా.. క్షేమమా!

ఎండల దెబ్బకు చెట్టంత మనిషే కుదేలైపోతాడు. ఇక మొక్కలు ఒక లెక్కా? ఏ కాస్త తేడా వచ్చినా భానుడి ప్రతాపానికి బలైపోతాయి. ఈ సమయంలో మనం టెర్రస్‌ గార్డెన్‌ పట్ల రెట్టింపు శ్రద్ధ చూపాలి.

ఎండల దెబ్బకు చెట్టంత మనిషే కుదేలైపోతాడు. ఇక మొక్కలు ఒక లెక్కా? ఏ కాస్త తేడా వచ్చినా భానుడి ప్రతాపానికి బలైపోతాయి. ఈ సమయంలో మనం టెర్రస్‌ గార్డెన్‌ పట్ల రెట్టింపు శ్రద్ధ చూపాలి.

1. నేరుగా సూర్య కిరణాలు మొక్కలపై పడకుండా.. ఆకుపచ్చ రంగు గోనెపట్టా లాంటిది ఏదైనా ఆచ్ఛాదనగా వేయండి. దీంతో ఎండ ప్రభావం తగ్గుతుంది.
2. అసలే నీటి కొరత మొదలవుతుంది. దీంతో చాలామంది మొక్కలకు నీళ్లు పోయడం తగ్గిస్తారు. దీనివల్ల మొక్కలు ఎండిపోయే ప్రమాదం ఉంది. మధ్యేమార్గంగా స్ప్రింక్లర్లు వాడవచ్చేమో ఆలోచించండి.
3. సూర్యోదయానికి ముందే నీళ్లు పోయడం వల్ల మొక్క నీటిని పరిపూర్ణంగా గ్రహించుకుంటుంది. వృథా ఉండదు.

   మనిషికే కాదు, మొక్కలకు కూడా వేసవిలో మరింత శక్తి అవసరం అవుతుంది. రసాయనాల జోలికి వెళ్లకుండా.. సేంద్రియ ఎరువులను వేయడమే ఉత్తమం.

4. ఎండిపోయిన ఆకులను ఎప్పటికప్పుడు తొలగించడం ద్వారా కూడా మొక్కకు వేడి సెగ తగలకుండా జాగ్రత్తపడవచ్చు.
5. చిన్నచిన్న కుండీలను పెద్ద మొక్కలు, చెట్ల నీడలో ఉంచడం వల్ల కూడా కొంత మేలు జరుగుతుంది.