Visit:
సంచలన వార్తలకు కేరాఫ్ అడ్రస్ మలైకా అరోరా! ఈ ఓల్డ్ అండ్ బ్యూటీ ఏం చేసినా సంచలనమే! జిమ్కు వెళ్లినా, పార్టీలో కనిపించినా.. అది సెన్సేషనల్ న్యూసే! అర్జున్ కపూర్తో విడిపోయిన తర్వాత మలైకా జీవితంలోకి మరొకరు వచ్చారంటూ ఇటీవల బీటౌన్ కోడై కూసింది. స్పిట్స్విల్లా-16లో కంటెస్టెంట్ అయిన సోరబ్ బేడీతో మలైకా దిగిన ఒక ఫొటో సోషల్మీడియాలో వైరల్ అయ్యింది. దాంతో, వీళ్లిద్దరూ డేటింగ్లో ఉన్నారనే వార్తలు షికారు చేయగా.. సామాజిక వేదికలపైనా పెద్ద చర్చే సాగింది. ఈ ప్రచారంపై మలైకా తాజాగా నోరు విప్పింది. ఓ జాతీయ మీడియాకు ఇచ్చిన ఇంటర్వ్యూలో మాట్లాడుతూ.. తనపై వస్తున్న వార్తలను కొట్టిపారేసింది. “ఇలాంటి పుకార్లు విన్నప్పుడు గతంలో చాలా చిరాకుగా అనిపించేది. కానీ, ఇప్పుడు వాటిని జోక్గా తీసుకోవడం అలవాటైంది.
నేను, నా కొడుకు అర్హాన్.. ఈ డేటింగ్ వార్తలను చూసి నవ్వుకుంటాం కూడా!” అంటూ చెప్పుకొచ్చింది. స్నేహితులు, సహోద్యోగులు, తోటి నటులు.. ఇలా ఎవరితో కనిపించినా, వారితో ముడిపెట్టి వార్తలు రాయడం కొందరికి పరిపాటిగా మారిందని విమర్శించింది. ప్రస్తుతం తన జీవితాన్ని, కెరీర్ని ఎంతో సంతోషంగా గడుపుతున్నాననీ, తన జీవితంలో ఏదైనా జరగాలని ఉంటే అది జరుగుతుందని వేదాంత ధోరణిలో మాట్లాడింది. జీవితానికి ఒకరు తోడుగా ఉండటం, భాగస్వామి దొరకడం అందమైన విషయాలైనా.. తన జీవితం పరిపూర్ణం కావడానికి ఒక పురుషుడు తోడుండాలని తాను అనుకోవడం లేదని మలైకా చెప్పుకొచ్చింది.
