మీ లంచ్‌ బాక్స్‌ భద్రమేనా?!

‘తినేది మంచిదా? కాదా?’ సందేహం నివృత్తి చేసుకోవడం ఎవరికైనా అవసరం. ప్యాక్‌పై రాసిన అందమైన రాతలు కాదు దానిలో ఆహార నాణ్యత, శుభ్రత ఎంతో తెలుసుకోవాలి. ‘సేంద్రియ సాగు, రసాయనాలు లేవు’ అని ప్యాక్‌ మీద రాసినంత మాత్రాన నిజం కాదు. ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ) గుర్తింపు ఉందో లేదో పరిశీలించాలి.

‘తినేది మంచిదా? కాదా?’ సందేహం నివృత్తి చేసుకోవడం ఎవరికైనా అవసరం. ప్యాక్‌పై రాసిన అందమైన రాతలు కాదు దానిలో ఆహార నాణ్యత, శుభ్రత ఎంతో తెలుసుకోవాలి. ‘సేంద్రియ సాగు, రసాయనాలు లేవు’ అని ప్యాక్‌ మీద రాసినంత మాత్రాన నిజం కాదు. ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ) గుర్తింపు ఉందో లేదో పరిశీలించాలి. కంపెనీల్లో తయారయ్యే తిండి సంగతి సరే, మీ ఇంటిలో తయారయ్యే సంగతేంటి? స్కూల్‌, ఆఫీస్‌, పని చేసే ప్రదేశాల్లో తినడం కోసం లంచ్‌ బాక్స్‌ తీసుకుపోతారు.

అది శుభ్రంగా ఉందని, ఆహారం పాడవకుండా ఉంటుందని ఏమిటి గ్యారెంటీ? దీనిని ఎందుకు పట్టించుకోరని ప్రశ్నిస్తోంది ఎఫ్‌ఎస్‌ఎస్‌ఏఐ సంస్థ. కొనేదైనా, తయారు చేసుకునేదైనా ప్రమాణాలు అన్నిటికీ వర్తిస్తాయని గుర్తు చేస్తున్నది. లంచ్‌ బాక్స్‌లో ఉండే ఆహార నాణ్యత మారకుండా ఎలాంటి లంచ్‌ బాక్స్‌ని ఉపయోగించాలి. శుభ్రతను ఎలా పాటించాలో చెబుతూ ఎఫ్‌ఎస్‌ఎస్‌ఏఐ కొన్ని సూచనలు చేసింది. అవేమిటంటే…

• లంచ్‌ బాక్స్‌ కట్టే ముందు షెల్ప్‌లో ఉన్న పాత్రలు తీసి నేరుగా ఉపయోగించకూడదు. ఇంతకు ముందు కడిగినవే అయినా వాటిని మరోసారి నీళ్లతో కడిగి, ఆరబెట్టాలి. పూర్తిగా ఆరిన తర్వాత లంచ్‌ బాక్స్‌లో అన్నం, కూరలు పెట్టుకోవాలి.
• స్టీల్‌, గ్లాస్‌, ప్లాస్టిక్‌ పాత్రల్లో లంచ్‌ బాక్స్‌ కట్టేముందు అవి ఫుడ్‌ గ్రేడ్‌ కేటగిరిలో ఉన్నాయా? లేవా? అని చెక్‌
  చేసుకోవాలి. ఫుడ్‌ గ్రేడ్‌ క్వాలిటీ లేని పాత్రల్లో ఆహారం ఉంచడం వల్ల అలర్జీ, జీర్ణ సమస్యలు వస్తాయి.
• బిగుతుగా పట్టి ఉండే మూతలు వాడాలి. ఇవి ఆహారం బయటికి రాకుండానే కాదు బయటి నుంచి గాలి, ధూళి ఆహారాన్ని ప్రభావితం చేయకుండా కాపాడతాయి. ఆహారం కలుషితం కాకుండా ఉంటుంది.
• వేడి వేడి ఆహారాన్ని లంచ్‌ బాక్స్‌ కట్టొద్దు. పూర్తిగా చల్లారిన తర్వాతనే అన్నం, కూరలు, స్నాక్స్‌ బాక్స్‌లో పెట్టాలి. ఇలా చేయడం వల్ల ఆహారం ఎక్కువ సేపు నిల్వ ఉంటుంది.