చర్మానికి ‘ఉపవాసం’

శరీరంలోని మలినాలను బయటకు పంపడానికి ఉపవాసం ఓ మార్గమని చెబుతుంటారు. బాగా మంచినీళ్లు తాగాలనీ అంటారు. ఇదే ‘డీటాక్సికేషన్‌’ సూత్రాన్ని ముఖ చర్మ ఆరోగ్యానికి కూడా అన్వయించుకోవచ్చు. అయితే దీనికోసం ప్రత్యేకించి ఏ పానీయాలతో పన్లేదు. లంఖణాల అవసరమూ లేదు. కొన్నిరోజుల పాటు ముఖానికి వాడే.. ఫేస్‌ క్రీములు, ఫౌండేషన్‌, స్క్రబ్‌, క్లెన్సింగ్‌, కన్సీలర్‌, సీరమ్స్‌ మొదలైనవి పక్కనపెడితే చాలు. అలా చర్మానికి కొంత విశ్రాంతి దొరుకుతుంది. నిగారింపు మళ్లీ సాధారణ స్థితికి వచ్చేస్తుంది. ఈ ప్రక్రియనే యువత ‘స్కిన్‌ ఫాస్ట్‌’ అని వ్యవహరిస్తున్నది. ‘స్కిన్‌ ఫాస్టింగ్‌ ద్వారా నా స్నేహితులు మంచి ఫలితాలను పొందారు. మునుపటితో పోలిస్తే, వాళ్ల ముఖాలు చాలా తేటగా కనిపిస్తున్నాయి’ అంటారు ఇన్‌స్టాగ్రామ్‌లో పదివేలకు పైగా ఫాలోవర్లు ఉన్న బ్యూటీ ఇన్‌ఫ్లుయెన్సర్‌ మేఘనా మీనన్‌. పండగ సీజన్‌లో ఈ ప్రయత్నం మొదలుపెట్టవచ్చు.