కావలసిన పదార్థాలు
చికెన్(బోన్లెస్): అర కిలో, వెల్లుల్లి రెబ్బలు: పది, వెన్న: రెండు టేబుల్ స్పూన్లు, నూనె: ఒక టేబుల్ స్పూన్, ఆరిగానో: అర టీస్పూన్, మిరియాల పొడి: అర టీస్పూన్, ఉప్పు: తగినంత, రెడ్చిల్లీ సాస్: ఒక టేబుల్ స్పూన్, మైదా: రెండు టేబుల్ స్పూన్లు, చికెన్ ఉడికించిన నీళ్లు: అర కప్పు, కొత్తిమీర తురుము: కొద్దిగా.
తయారీ విధానం
ఒక గిన్నెలో చికెన్, కొద్దిగా ఉప్పు, మిరియాల పొడి, ఒక టేబుల్ స్పూన్ మైదా వేసి బాగా కలపాలి. స్టవ్మీద పాన్ పెట్టి నూనె వేసి.. బాగా వేడయ్యాక చికెన్ ముక్కల్ని పరిచి సన్నని మంటపై రెండు వైపులా తిప్పుతూ వేయించాలి. దోరగా వేగిన చికెన్ తీసి పక్కన పెట్టాలి. అదే పాన్లో వెన్నవేసి.. వేడయ్యాక సన్నగా తరిగిన వెల్లుల్లి, ఒక టేబుల్ స్పూన్ మైదా వేసి వేయించాలి. చికెన్ ఉడికించిన నీళ్లు, ఆరిగానో, ఉప్పు, మిరియాల పొడి, రెడ్చిల్లీ సాస్ వేసి కలుపుతూ దగ్గర పడేవరకు ఉడికించాలి. చికెన్ ముక్కల్ని జోడించి, బాగా కలిపి పైనుంచి కొత్తిమీర తురుము చల్లుకుంటే నోరూరించే బటర్ గార్లిక్ చికెన్ సిద్ధం.