అభిమాన్‌ గాంధీనాయక్ అరెస్ట్‌ చేసిన పోలీసులు

:కాంగ్రెస్‌ ప్రభుత్వానికి వ్యతిరేకంగా గాంధేయ మార్గంలో నిరసన చేపట్టాలని నిర్ణయించుకున్న బీఆర్‌ఎస్‌ రాష్ట్ర నాయకుడు, టీఎస్‌ జీసీసీ మాజీ చైర్మన్‌ అభిమాన్‌ గాంధీనాయక్‌ ధరావత్‌ను పోలీసులు ముందస్తుగా అరెస్ట్‌ చేశారు.

కొడకండ్ల, నవంబర్ 05 :కాంగ్రెస్‌ ప్రభుత్వానికి వ్యతిరేకంగా గాంధేయ మార్గంలో నిరసన చేపట్టాలని నిర్ణయించుకున్న బీఆర్‌ఎస్‌ రాష్ట్ర నాయకుడు, టీఎస్‌ జీసీసీ మాజీ చైర్మన్‌ అభిమాన్‌ గాంధీనాయక్‌ ధరావత్‌ను పోలీసులు ముందస్తుగా అరెస్ట్‌ చేశారు. నవంబర్‌ 5వ తేదీ ఉదయం గిర్నితండాలోని ఆయన నివాసం వద్ద అదుపులోకి తీసుకున్నారు. ఉదయం 8 గంటల సమయంలో కొడకండ్ల పోలీసులు ఆయనను అదుపులోకి తీసుకొని, మొదట కొడకండ్ల పోలీస్‌ స్టేషన్‌కు తరలించారు. అనంతరం అకడి నుంచి ఆయనను జఫర్‌గఢ్‌ పోలీస్‌ స్టేషన్‌కు తరలించినట్లు సమాచారం. ఉదయం 9 గంటలకు పాలకుర్తి సోమేశ్వర లక్ష్మీనరసింహ స్వామి ఆలయంలో ప్రత్యేక పూజలు చేసి, ఆ తర్వాత ‘కాంగ్రెస్‌ ప్రభుత్వం పోవాలి – కేసీఆర్‌ ప్రభుత్వం రావాలి’ అనే నినాదంతో నిరసనను ప్రారంభించాల్సి ఉంది.

కాంగ్రెస్‌ ఆరు గ్యారెంటీలు, 420 హామీల అమలు, రైతులు, నిరుద్యోగ సమస్యలు, ఉద్యోగుల పెండింగ్‌ల పరిష్కారం కోసం ఈ నిరసన చేపట్టాలని నిర్ణయించారు. నిరసన ప్రారంభానికి ముందే ఆయనను అదుపులోకి తీసుకోవడంపై పార్టీ నాయకులు మండిపడుతున్నారు. ప్రజాస్వామ్యబద్ధంగా నిరసన తెలిపే హకును కాలరాస్తున్నారని విమర్శిస్తూ, అరెస్టుకు గల కారణాలను పోలీసులు వెంటనే వెల్లడించాలని డిమాండ్‌ చేశారు. అభిమాన్‌ గాంధీనాయక్‌ ను ఏ కారణంతో అదుపులోకి తీసుకున్నారో ఆయనపై ఏదైనా కేసు నమోదు చేశారో లేదో అనే విషయాలపై పోలీసుల నుంచి ఇంకా అధికారిక స్పష్టత రాలేదు.