Visit:
నర్సంపేట : నర్సంపేట పట్టణం సర్వాపురం శివారులోని ప్రభుత్వ మెడికల్ కళాశాల ఎదురు గా తెలంగాణ ఉద్యమకారుడు, మాజీ ఎమ్మెల్యే పెద్ది సుదర్శన్రెడ్డి విగ్రహ ఏర్పాటు కోసం నిర్మిస్తున్న గద్దెను మున్సిపాలిటీ అధికారులు ఆదివారం రాత్రి కూల్చివేశారు. గత వారం రోజుల నుండి బీఆర్ఎస్ ముఖ్య నాయకుడు డాక్టర్ లెక్కల విద్యాసాగర్రెడ్డి తన సొంత భూమిలో సుదర్శన్రెడ్డి విగ్రహ ఏర్పాటు పనులు చేపట్టాడు.
భూమిపూజ చేసి గద్దె నిర్మాణ పనులు చేప ట్టారు. ప్రైవేటు స్థలంలోనే ఏర్పాటు చేస్తున్నా విగ్రహ ఏర్పాటుకు అనుమతి లేదంటూ రాత్రి వేళ మున్సిపల్ సిబ్బంది గద్దెను కూల్చివేశారు. ఎలాంటి నోటీసులు ఇవ్వకుండానే గద్దెను కూల్చి వేయడాన్ని పట్టణ ప్రజలు ఖండిస్తున్నారు. కక్షసాధింపు చర్యలో భాగంగానే ఈ కూల్చివేత జరిగిందని పట్టణ బీఆర్ఎస్ నాయకులు ఆరోపిస్తున్నారు.
