Squid Game Parody : స్క్విడ్ గేమ్ పేరడీ వీడియో చూశారా? చూస్తే నవ్వు ఆపుకోలేరు

స్క్విడ్ గేమ్ పేరడీ వీడియో చూశారా? | ప్రస్తుతం సోషల్ మీడియాలో ఎక్కడ చూసినా స్క్విడ్ గేమ్ వెబ్ సిరీస్ గురించే చర్చ. గత నెలలో నెట్ ఫ్లిక్స్ లో

October 17, 2021 / 06:07 PM IST

Squid Game Parody : స్క్విడ్ గేమ్ పేరడీ వీడియో చూశారా? చూస్తే నవ్వు ఆపుకోలేరు

ప్రస్తుతం సోషల్ మీడియాలో ఎక్కడ చూసినా స్క్విడ్ గేమ్ వెబ్ సిరీస్ గురించే చర్చ. గత నెలలో నెట్ ఫ్లిక్స్ లో విడుదలైన స్క్విడ్ గేమ్ సిరీస్ ప్రస్తుతం సంచలనాలను సృష్టిస్తోంది. విడుదలైన నెల రోజులకే స్క్విడ్ గేమ్ ను 11 కోట్ల మంది వీక్షించారు. నెట్ ఫ్లిక్స్ చరిత్రలోనే బిగ్గెస్ట్ హిట్ ఇది.

ప్రపంచవ్యాప్తంగా.. భాషాభేదం లేకుండా స్క్విడ్ గేమ్ ను అందరూ వీక్షిస్తున్నారు. తాజాగా నైజీరియాకు చెందిన కొందరు పిల్లలు.. స్క్విడ్ గేమ్ కు పేరడీ వీడియోను రూపొందించారు. మొదటి గేమ్ లో భాగంగా.. రెడ్ లైట్.. గ్రీన్ లైట్ గేమ్ ను మొదటి ఎపిసోడ్ లో నిర్వహించిన దాన్నే కామెడీగా రూపొందించారు. ఆ వీడియో ప్రస్తుతం సోషల్ మీడియాలో వైరల్ అవుతోంది.

ఇది లోబడ్జెట్ స్క్విడ్ గేమ్ అంటూ నెటిజన్లు కామెంట్లు చేస్తున్నారు. ఆ పిల్లల క్రియేటివిటీకి ఫిదా అవుతున్నారు. ఇప్పటికే యూఏఈలో రియల్ లైఫ్ స్క్విడ్ గేమ్ ను నిర్వహించారు. తాజాగా.. స్క్విడ్ గేమ్ పేరడీని రూపొందించారు. భవిష్యత్తులో స్క్విడ్ గేమ్ కు సంబంధించి ఇంకా ఏం వైరల్ అవుతాయో వేచి చూడాల్సిందే.