Ice Flowers | చైనా న‌దిలో విచ్చుకున్న‌ మంచు పూలు.. వావ్‌.. అద్భుతం అంటున్న‌ నెటిజ‌న్లు

సోంఘ్వువా నదిలో విర‌బూసిన మంచు పూలు

Ice Flowers : శీతాకాలంలో కొన్ని ప్రాంతాల్లో రోజుల త‌ర‌బ‌డి మంచు కుర‌వ‌డం, న‌దులు గ‌డ్డ‌క‌ట్ట‌డం మామూలే. చైనాలోని ఈశాన్య ప్రాంత‌లో ఉన్న సోంఘ్వువా అనే నదిలో కూడా నీళ్లు గడ్డ క‌ట్టాయి. న‌ది పైభాగం అంతా మంచు ప‌రుచుకుంది. అందులో విశేషం ఏముంది అంటారా..? న‌ది పైభాగంలో మంచు ముక్కలు అచ్చం పూల మాదిరిగా విచ్చుకున్న‌ట్టు ఉండి అంద‌ర్నీ ఆకట్టుకుంటున్నాయి. సూర్య‌కిర‌ణాలు ప‌డిన‌ప్పుడు ఆ మంచు పుష్పాలు మిరుమిట్లు గొలుపుతూ క‌నువిందు చేస్తున్నాయి. నార్వేకు చెందిన మాజీ దౌత్యాధికారి ఎరిక్ సొల్‌హీమ్ శుక్ర‌వారం ట్విట్ట‌ర్‌లో ఈ ఫొటోల‌ను షేర్ చేశాడు. ఈ ఐస్ ఫ్ల‌వ‌ర్స్ అద్భుతం అంటూ అత‌ను ఆ ఫోటోల‌కు క్యాప్ష‌న్ పెట్టాడు. ఈ ఫొటోలు ఆన్‌లైన్‌లో వైర‌ల్ అవుతున్నాయి. నిజంగానే చాలా అద్భుతంగా ఉన్నాయి అంటూ నెటిజ‌న్లు కామెంట్లు పెడుతున్నారు.

ఐస్ ఫ్ల‌వ‌ర్స్ ఏర్ప‌డ‌డం అనేది వాతావ‌ర‌ణ ప‌రిస్థితులను బ‌ట్టి  ఆధార‌ప‌డి ఉంటుందని చైనాకు చెందిన పీపుల్స్ డెయిలీ వార్తా సంస్థ తెలిపింది. శీతాకాలం మొద‌ట్లో ఉద‌యం పూట ఈ పూలు ఏర్ప‌డ‌తాయ‌ని చెప్పింది. ముత్యాల లాగ మెరిసిపోతున్న ఈ మంచు పూలను చూసి సోష‌ల్‌మీడియా యూజ‌ర్లు ఫిదా అవుతున్నారు.

Wonderful! ❤️

Ice flowers on Songhua River in northeast China 🇨🇳. pic.twitter.com/9x6z6zlDEi

— Erik Solheim (@ErikSolheim) December 30, 2022