Viral video: జిరాఫీ పిల్లపై సింహం దాడి… తల్లి జిరాఫీ ఎలా కాపాడిందంటే!

కొంత దూరంలో ఉన్న తల్లి జిరాఫీ, పిల్ల అరుపులు విని అది ప్రమాదంలో ఉన్న సంగతి గ్రహించింది. వెంటనే ఆ జిరాఫీ పరుగెత్తుకుని పిల్ల వద్దకు వచ్చింది.

ఒక జిరాఫీ పిల్లపై సింహం దాడి చేసి వేటాడబోయింది. పిల్ల కేకలకు తల్లి జిరాఫీ పరుగెత్తుకుని వచ్చింది. దీంతో ఆ సింహం భయపడి అక్కడి నుంచి పారిపోయింది. సాధారణంగా పొడవైన మెడ కలిగి ఉండే పెద్ద జిరాఫీని సింహం ఒంటరిగా వేటాడలేదు. అయితే సింహాల గుంపు మాత్రమే పెద్ద జిరాఫీలను వేటాడతాయి. కాగా, ఒంటరి సింహాలు మాత్రం చిన్న జిరాఫీలు, ముసలి, అనారోగ్యంతో ఉన్న జిరాఫీలను లక్ష్యంగా చేసుకుంటాయి. ఒక ఒంటరి ఆడ సింహం ఇలాంటి ప్రయత్నం చేసింది. తల్లి జిరాఫీ నుంచి దూరంగా ఉన్న పిల్ల జిరాఫీపై అది దాడి చేసింది. దాని మెడను కొరికి చంపి తినేందుకు ప్రయత్నించింది. దీంతో పిల్ల జిరాఫీ విలవిలలాడుతూ బాధతో అరిచింది.

కాగా, కొంత దూరంలో ఉన్న తల్లి జిరాఫీ, పిల్ల అరుపులు విని అది ప్రమాదంలో ఉన్న సంగతి గ్రహించింది. వెంటనే ఆ జిరాఫీ పరుగెత్తుకుని పిల్ల వద్దకు వచ్చింది. దీంతో ఆగ్రహంతో ఉన్న తల్లి జిరాఫీని చూసి సింహం భయపడింది. జిరాఫీ పిల్లను వదిలేసి అక్కడి నుంచి పారిపోయింది. ‘యానిమల్స్‌ పవర్స్‌’ అనే ఇన్‌స్టాగ్రామ్‌లో పోస్ట్‌ చేసిన ఈ వీడియో సోషల్‌ మీడియాలో వైరల్‌ అయ్యింది. ఇప్పటికే లక్షలాది మంది ఈ వీడియోను వీక్షించారు.

 

View this post on Instagram

 

A post shared by Animal Power (@animals_powers)