Viral Video: వేటాడేందుకు ఏనుగుపైకెక్కిన సింహం… తర్వాత ఏం జరిగిందంటే?

April 7, 2022 / 09:22 PM IST

న్యూఢిల్లీ: ఏనుగును వేటాడేందుకు ఒక ఆడ సింహం తెగ ప్రయత్నించింది. దాని చెవిని నోటితో పట్టుకుని కొంతసేపు వేలాడింది. అనంతరం ఏనుగుపైకి ఎక్కి దాడికి యత్నించింది. దీంతో ఆ ఏనుగు బాధతో విలవిలలాడింది. అయితే ఏనుగు ఒక్కసారిగా బలంగా విదిలించడంతో సింహం పట్టు తప్పింది. ఇలా ఆడ సింహం దాడిని చిన్న ఏనుగు ఎదుర్కొంది. సఫారీకి వెళ్లిన ఒక వైల్డ్‌ ఫొటోగ్రాఫర్‌కు సింహం, ఏనుగు పోట్లాట కంటపడింది. దీంతో తన వాహనం నుంచి దీనిని వీడియో తీశారు. లైఫ్‌ అండ్‌ నేచర్‌ ట్విట్టర్‌ ఖాతాలో పోస్ట్‌ చేసిన ఈ వీడియో సోషల్‌ మీడియాలో వైరల్‌ అయ్యింది.

కాగా, మానవుల తర్వాత ఏనుగుకు హాని కలిగించేవి సింహాలు మాత్రమే. సాధారణంగా సింహాలు గుంపుగా మాత్రమే ఏనుగును వేటాడతాయి. ఎక్కువగా ఆడ సింహాలే వేటాడినప్పటికీ, మగ సింహాలు వాటి కంటే 50 శాతం ఎక్కువ బరువుతో బలిష్ఠంగా ఉంటాయి. దీంతో ఆరేడు ఆడ సింహాలు వేటాడి ఏనుగును సంహరిస్తే, కేవలం రెండు మగ సింహాలు దీనిని సాధిస్తాయి. చిన్న ఏనుగును ఒక్క మగ సింహం కూడా వేటాడగలదు. మగ సింహాలు అంత బలంగా ఉంటాయి.