Bhuban Badyakar | కచ్చాబాదం సాంగ్ ప్రపంచవ్యాప్తంగా మార్మోగుతున్నది. పశ్చిమ బెంగాల్కు చెందిన పల్లికాయ వ్యాపారి భుబన్ బద్యాకర్ (Bhuban Badyakar) వ్యాపారం కోసం సొంతంగా లిరిక్ను రాసుకొని ట్యూన్ను చేయగా.. ఈ పాట నచ్చిన ఓ వ్యక్తి సోషల్ మీడియాలో పోస్ట్ చేయగా.. వైరల్గా మారింది. తర్వాత ఆ ట్యూన్, లిరిక్ డెవలప్ చేసి ఓ ప్రైవేట్ సాంగ్ చేయగా అది రికార్డు సక్సెస్ సాధించింది.
ఇటీవల సోషల్ మీడియాలో కచ్చా బాదమ్ (Kacha Badam)సాంగ్ రచ్చ చేయగా.. పల్లికాయ వ్యాపారి భుబన్ పలువురికి ఇంటర్వ్యూలు ఇస్తూ.. ఇప్పుడు తాను సెలబ్రెటినని, ఇకపై పల్లికాయ అమ్మనని, అమ్మితే అవమానకరమంటూ నోరుజారిన విషయం తెలిసిందే. అయితే, ఇప్పుడు భుబన్ మాట మార్చాడు. ఓ ఇంటర్వ్యూలో మాట్లాడుతూ ‘నేను సాధారణ జీవితం గడుపుతున్నాను. నేను సెలబ్రిటీని కాదు. అవసరమైతే మళ్లీ పల్లికాయ అమ్ముతాను. ఎక్కువ డబ్బు, పాపులారిటీ చేసి మతిస్థిమితం కోల్పోయాను.
కారు కూడా కొన్నాను. కానీ ఇప్పుడు ఇప్పుడు నాకు జీవితాల్లో ఎలా గడపాలో అర్థమైంది’ అని తెలిపాడు. ఇంతకు ముందు తాను సెలబ్రిటీనని, మళ్లీ పల్లికాయ అమ్మితే అవమానకరమని అనగా.. పలువురు విమర్శలు గుప్పించారు. రేణుమండల్తో పోల్చారు. ప్రస్తుతం భుబన్కు చాలా కంపెనీలు, టీవీ షోల నుంచి ఆఫర్లు వస్తున్నాయి. ‘కచ్చ బాదం’ పాట తర్వాత భుబన్ మరో రెండు పాటలను కంపోజ్ చేశాడు.