Britney spears | నేను ఇంకా బ‌తికే ఉన్నాను.. ఆత్మ‌క‌థ వార్త‌ల‌పై బ్రిట్నీ స్పియ‌ర్స్ సీరియ‌స్‌

త‌న ఆత్మక‌థ వార్త‌ల‌పై సీరియ‌స్‌గా స్పందించిన బ్రిట్నీస్పియ‌ర్స్

సెల్ర‌బిటీలు, క్రికెట‌ర్లు, సినిమా స్టార్ల త‌మ ఆత్మ‌కథని వెండితెర‌మీద చూడాల‌ని ఉంటుంది చాలామందికి. హీరోలు, హీరోయిన్లు కూడా సెల‌బ్రిటీల నిజ‌జీవిత పాత్ర‌లో న‌టించి, ప్రేక్ష‌కుల్ని మెప్పించాల‌ని అనుకుంటారు. అయితే, అమెరికాకు చెందిన పాప్ సింగ‌ర్ బ్రిట్నీ స్పియ‌ర్ మాత్రం త‌న ఆత్మ‌క‌థని సినిమాగా తీయడం గురించి సీరియ‌స్‌గా స్పందించింది. ‘కొంద‌రు నా జీవితం మీద‌ సినిమా తీయాల‌నుకుంటున్నార‌ని విన్నాను. డూడ్.. నేను ఇంకా బ‌తికే ఉన్నాను. వాళ్లు నేను చ‌నిపోయాన‌ని అనుకుంటున్న‌ట్టు ఉన్నారు. మా కుటుంబం వాళ్లని అడ్డుకుంటుంది’ అని త‌న ఇన్‌స్టాగ్రామ్ పోస్ట్‌లో రాసుకొచ్చింది బ్రిట్నీ. ఈమ‌ధ్య ‘ది డ్రూ బారీమోర్’ అనే అమెరికా టాక్‌షోలో బ్రిట‌న్ న‌టి మిల్లీ బాబీ బ్రౌన్ మాట్లాడుతూ… త‌న‌కు బ్రిట్నీ స్పియ‌ర్స్ ఆత్మ‌క‌థ‌లో న‌టించాల‌ని ఉంద‌ని చెప్పింది.

‘నాకు బ్రిట్నీ స్పియ‌ర్స్ ఆత్మ‌క‌థ‌లో న‌టించాల‌ని ఉంది. ఆమె జీవితానికి, నా జీవితానికి పోలిక ఉంది. అందుక‌ని నేను అయితే బ్రిట్నీ క‌థ‌ను చాలా చ‌క్క‌గా చెప్ప‌గ‌ల‌ను’ అని మిల్లీ బాబీ త‌న ఆస‌క్తిని వెల్లడించింది. ‘స్ట్రేంజ‌ర్ థింగ్స్’ అనే వెబ్‌సిరీలో బిల్లీ బాబీ ఎలెవ‌న్ పాత్ర‌లో న‌టిచింది. నెట్‌ఫ్లిక్స్‌లో వ‌చ్చిన ఈ వెబ్‌సిరీస్ మిల్లీకి బాగా పేరు తెచ్చింది.