సింగరేణిలో మహిళా డంపర్‌ ఆపరేటర్లు

సింగరేణిలో మహిళా డంపర్‌ ఆపరేటర్ల నియామకానికి మార్గం సుగమమైంది. హెవీ మోటర్‌ వెహికల్‌ శిక్షణను విజయవంతంగా పూర్తి చేసిన 13 మంది మహిళలకు అవకాశం కల్పించనున్నారు.

• సంస్థ చరిత్రలో 13 మందికి అవకాశం

హైదరాబాద్‌, మే 14 (నమస్తే తెలంగాణ): సింగరేణిలో మహిళా డంపర్‌ ఆపరేటర్ల నియామకానికి మార్గం సుగమమైంది. హెవీ మోటర్‌ వెహికల్‌ శిక్షణను విజయవంతంగా పూర్తి చేసిన 13 మంది మహిళలకు అవకాశం కల్పించనున్నారు. ఓపెన్‌కాస్ట్‌ గనుల్లో బొగ్గు, ఓవర్‌ బర్డెన్‌ను గని క్వారీ నుంచి సర్ఫేస్‌కు తరలించేందుకు 60 నుంచి 100 టన్నుల కెపాసిటీ కలిగిన భారీ డంపర్లను వినియోగిస్తున్నారు. అయితే 50 ఏండ్లుగా పురుషులు మాత్రమే ఈ డంపర్లను ఆపరేట్‌ చేస్తున్నారు.

సర్కార్‌ సూచనల మేరకు మహిళలను కూడా నియమించాలని సింగరేణి నిర్ణయించింది. ఇందుకు దరఖాస్తులు స్వీకరించి, అర్హత, ఆసక్తి కలిగిన 13 మందిని ఎంపిక చేశారు. వీరికి సిరిసిల్లలోని ఇన్‌స్టిట్యూట్‌ ఆఫ్‌ డ్రైవింగ్‌ ఎడ్యుకేషన్‌ స్కిల్స్‌(టైడ్స్‌)లో ట్రైనింగ్‌ ఇచ్చారు. త్వరలోనే వీరిని విధుల్లోకి తీసుకోనున్నట్టు సింగరేణి అధికారులు గురువారం వెల్లడించారు.