వరంగల్‌ కోటలో సర్వాయి పాపన్న శిల్పం

చారిత్రక వరంగల్‌ కోట పడమటి ద్వారం వద్ద కొలువుదీరి ఉన్న ఒక అరుదైన వీరుడి శిల్పం బహుజన వీరుడు సర్దార్‌ సర్వాయి పాపన్నదేనని చారిత్రక ఆధారాల ద్వారా స్పష్టమవుతున్నది. 1708వ సంవత్సరం మార్చి 31వ తేదీ రాత్రి 3 వేల మంది కాల్బలం, 500 మంది అశ్వసైన్యంతో కోట గోడల వద్ద కాపుకాసిన పాపన్న.. తాళ్ల సాయంతో కోటపైకి ఎకి, ప్రధాన ద్వారాలను బద్దలుకొట్టి ఏప్రిల్‌ 1వ తేదీన వరంగల్‌ కోటలోకి ప్రవేశించారు.

• చారిత్రక ఆధారాలతో వెలుగులోకి

హైదరాబాద్‌, నవంబర్‌ 14(నమస్తే తెలంగాణ): చారిత్రక వరంగల్‌ కోట పడమటి ద్వారం వద్ద కొలువుదీరి ఉన్న ఒక అరుదైన వీరుడి శిల్పం బహుజన వీరుడు సర్దార్‌ సర్వాయి పాపన్నదేనని చారిత్రక ఆధారాల ద్వారా స్పష్టమవుతున్నది. 1708వ సంవత్సరం మార్చి 31వ తేదీ రాత్రి 3 వేల మంది కాల్బలం, 500 మంది అశ్వసైన్యంతో కోట గోడల వద్ద కాపుకాసిన పాపన్న.. తాళ్ల సాయంతో కోటపైకి ఎకి, ప్రధాన ద్వారాలను బద్దలుకొట్టి ఏప్రిల్‌ 1వ తేదీన వరంగల్‌ కోటలోకి ప్రవేశించారు.

రెండు, మూడు రోజుల పాటు కోటలోని ధనం, వస్త్రాలను సేకరించడంతో పాటు వరంగల్‌ న్యాయాధీశుడి కుటుంబం సహా వందలాది మంది ప్రముఖులను ఖిలాషాపూర్‌ కోటకు తరలించి బందీలుగా ఉంచాడు. వరంగల్‌ కోట విజయం ద్వారా సమకూరిన ఈ సంపదతో సర్వాయి పాపన్న తన సైన్యాన్ని మరింత బలోపేతం చేసుకున్నాడు. ఈ చారిత్రక ఘట్టానికి సజీవ సాక్ష్యంగా వరంగల్‌ కోట పడమటి ద్వారం శిల్పం చెక్కారు.