11వ రోజుకు చేరిన సమతామూర్తి సహస్రాబ్ధి ఉత్సవాలు..

Ramanujacharya | ముచ్చింతల్‌లోని శ్రీరామనగరంలో సమతామూర్తి రామానుజాచార్యుల సహస్రాబ్ధి ఉత్సవాలు వైభవంగా జరుగుతున్నాయి. 12 రోజులపాటు జరుగనున్న ఈ ఉత్సవాలు 11వ రోజుకు చేరుకున్నాయి.

హైదరాబాద్‌: ముచ్చింతల్‌లోని శ్రీరామనగరంలో సమతామూర్తి రామానుజాచార్యుల సహస్రాబ్ధి ఉత్సవాలు వైభవంగా జరుగుతున్నాయి. 12 రోజులపాటు జరుగనున్న ఈ ఉత్సవాలు 11వ రోజుకు చేరుకున్నాయి. ఉత్సవాల్లో భాగంగా శనివారం ఉదయం గంటపాటు అష్టాక్షరీ మహామంత్ర జపం జరిగింది. అనంతరం యాగశాలలో లక్ష్మీనారాయణ మహాయాగం జరగనుంది. ఉదయం 10 గంటల నుంచి పరమేష్టి ఇష్టి, వైభవేష్టి ఇష్టి హోమాలు నిర్వహించనున్నారు.

నేడు ఉపరాష్ట్రపతి వెంకయ్యనాయుడు సమతామూర్తి కేంద్రాన్ని సందర్శించనున్నారు. సాయంత్రం 6.30 గంటలకు ముచ్చింతల్‌ చేరుకుంటారు. రామానుజాచార్యుల విగ్రహంపై 3డీ మ్యాపింగ్‌ను వీక్షించనున్నారు. అనంతరం ప్రవచన మండపంలో భక్తులను ఉద్దేశించి ప్రసంగిస్తారు. అనంతరం శ్రీలక్ష్మీనారాయణ మహాయాగంలో పాల్గొంటారు.