TSWRJC CET 2022.. ఫేజ్ -2 సెలెక్ష‌న్ జాబితా విడుద‌ల‌

హైద‌రాబాద్ : తెలంగాణ సోష‌ల్ వెల్ఫేర్ రెసిడెన్షియ‌ల్ జూనియ‌ర్ కాలేజీల్లో ప్ర‌వేశాల నిమిత్తం.. ఫేజ్ -2 సెలెక్ష‌న్ జాబితాను అధికారులు మంగ‌ళ‌వారం విడుద‌ల చేశారు. ఫేజ్‌-2లో సీట్లు పొందిన విద్యార్థులు బుధ‌వారం నుంచి ఈ నెల 8వ తేదీ లోపు సంబంధిత కాలేజీల్లో రిపోర్టు చేయాల‌ని ఆదేశించారు.

సెలెక్ష‌న్ కాపీ, టీసీ, ఆదాయ ధృవ‌ప‌త్రం, మార్కుల మెమో, పాస్‌పోర్టు సైజు ఫోటోల‌ను అడ్మిష‌న్ స‌మ‌యంలో కాలేజీలో స‌మ‌ర్పించాలి. తెలంగాణ సోష‌ల్ వెల్ఫేర్ రెసిడెన్షియ‌ల్ జూనియ‌ర్ కాలేజీల్లో జ‌న‌ర‌ల్, వొకేష‌నల్ కోర్సుల్లో ప్ర‌వేశాల‌కు అడ్మిష‌న్ల ప్ర‌క్రియ కొన‌సాగుతోన్న విష‌యం విదిత‌మే. ఇత‌ర వివ‌రాల కోసం www.tswrjc.cgg.gov.in లేదా www.tswreis.ac.in అనే వెబ్‌సైట్ల‌ను సంప్ర‌దించొచ్చు.