Telangana | ఐసెట్, ఈసెట్ కౌన్సెలింగ్ షెడ్యూల్ విడుద‌ల‌

Telangana | హైద‌రాబాద్ : రాష్ట్రంలో ఎంబీఏ, ఎంసీఏ కాలేజీల్లో ప్ర‌వేశాల నిమిత్తం నిర్వ‌హించే ఐసెట్ కౌన్సెలింగ్, ఇంజినీరింగ్ రెండో సంవ‌త్స‌రంలో ప్ర‌వేశాల‌కు నిర్వ‌హించే ఈసెట్ కౌన్సెలింగ్ షెడ్యూల్ విడుద‌ల అయింది.

Telangana | హైద‌రాబాద్ : రాష్ట్రంలో ఎంబీఏ, ఎంసీఏ కాలేజీల్లో ప్ర‌వేశాల నిమిత్తం నిర్వ‌హించే ఐసెట్ కౌన్సెలింగ్, ఇంజినీరింగ్ రెండో సంవ‌త్స‌రంలో ప్ర‌వేశాల‌కు నిర్వ‌హించే ఈసెట్ కౌన్సెలింగ్ షెడ్యూల్ విడుద‌ల అయింది.

ఐసెట్ కౌన్సెలింగ్ షెడ్యూల్.. 

ఐసెట్ కౌన్సెలింగ్ ఆగ‌స్టు 14 నుంచి ప్రారంభం కానుంది. 14 నుంచి 18వ తేదీ వ‌ర‌కు రిజిస్ట్రేష‌న్లు, స్లాట్ బుకింగ్ చేసుకోవాలి. 16 నుంచి 19వ తేదీ వ‌ర‌కు ధ్రువ‌ప‌త్రాల ప‌రిశీల‌న ఉంటుంది. 16 నుంచి 21 వ‌ర‌కు వెబ్ ఆప్ష‌న్లు న‌మోదు చేసుకోవ‌చ్చు. ఆగ‌స్టు 25వ తేదీన ఎంబీఏ, ఎంసీఏ తొలి విడుత సీట్ల‌ను కేటాయించ‌నున్నారు. సెప్టెంబ‌ర్ 1 నుంచి తుది విడుత ఐసెట్ కౌన్సెలింగ్ నిర్వ‌హించ‌నున్నారు. 1 నుంచి 3వ తేదీ వ‌ర‌కు తుది విడుత వెబ్ ఆప్ష‌న్లు న‌మోదు చేసుకోవ‌చ్చు. సెప్టెంబ‌ర్ 7న తుది విడ‌త ఎంబీఏ, ఎంసీఏ సీట్ల‌ను కేటాయించ‌నున్నారు. సెప్టెంబ‌ర్ 8న స్పాట్ అడ్మిష‌న్ల మార్గ‌ద‌ర్శ‌కాలు విడుద‌ల కానున్నాయి.

ఈసెట్ కౌన్సెలింగ్ షెడ్యూల్

ఈసెట్ కౌన్సెలింగ్ ద్వారా బీటెక్, బీఫార్మ‌సీ రెండో సంవ‌త్స‌రంలో ప్ర‌వేశాల‌కు షెడ్యూల్ విడుద‌లైంది. ఈ నెల 29 నుంచి ఆగ‌స్టు 1వ తేదీ వ‌ర‌కు ఈసెట్ స్లాట్ బుకింగ్ చేసుకోవ‌చ్చు. ఈ నెల 31 నుంచి ఆగ‌స్టు 2వ తేదీ వ‌ర‌కు ధ్రువ‌ప‌త్రాల ప‌రిశీలన జ‌ర‌గ‌నుంది. ఈ నెల 31 నుంచి ఆగ‌స్టు 4 వ‌ర‌కు ఈసెట్ అభ్య‌ర్థులు వెబ్ ఆప్ష‌న్లు న‌మోదు చేసుకోవ‌చ్చు. ఆగ‌స్టు 8న ఈసెట్ అభ్య‌ర్థుల‌కు తొలి విడుత సీట్ల‌ను కేటాయించ‌నున్నారు. ఆగ‌స్టు 20 నుంచి ఈసెట్ తుది విడుత ప్ర‌వేశాల ప్ర‌క్రియ కొన‌సాగ‌నుంది. ఆగ‌స్టు 26న ఈసెట్ అభ్య‌ర్థుల‌కు తుది విడుత సీట్లు కేటాయించ‌నున్నారు.