నేడు శ్రీవారి దర్శన టోకెన్లు విడుదల

తిరుమల శ్రీవారి ఆర్జిత సేవా టికెట్ల(సుప్రభాతం, తోమాల, అర్చన, అష్టదళ పాదపద్మారాధన సేవ) జనవరి నెల కోటా షెడ్యూల్‌ను టీటీడీ ప్రకటించింది. సోమవారం ఉదయం 10 గంటలకు టీటీడీ ఆన్‌లైన్‌లో విడుదల చేయనున్నట్టు పేర్కొన్నది.

హైదరాబాద్‌, అక్టోబర్‌ 18 (నమస్తే తెలంగాణ) : తిరుమల శ్రీవారి ఆర్జిత సేవా టికెట్ల(సుప్రభాతం, తోమాల, అర్చన, అష్టదళ పాదపద్మారాధన సేవ) జనవరి నెల కోటా షెడ్యూల్‌ను టీటీడీ ప్రకటించింది. సోమవారం ఉదయం 10 గంటలకు టీటీడీ ఆన్‌లైన్‌లో విడుదల చేయనున్నట్టు పేర్కొన్నది. ఈ సేవా టికెట్లు ఎలక్ట్రానిక్‌ డిప్‌ కోసం 21వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చని అధికారులు తెలిపారు. కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను 22న ఉదయం 10 గంటలకు, వర్చువల్‌ సేవలు,

వాటి దర్శన స్లాట్ల కోటాను 22న మధ్యాహ్నం 3 గంటలకు, అంగ ప్రదక్షిణ టోకెన్ల కోటాను 23న ఉదయం 10 గంటలకు విడుదల చేయనున్నారు. శ్రీవాణి ట్రస్టు దర్శన టికెట్ల కోటాను 23న ఉదయం 11 గంటలకు విడుదల చేయనున్నారు. వయోవృద్ధులు, దివ్యాంగులు, దీర్ఘకాలిక వ్యాధులున్నవారికి 23న మధ్యాహ్నం 3 గంటలకు, ప్రత్యేక ప్రవేశ దర్శన టికెట్ల కోటాను 24న ఉదయం 10 గంటలకు, గదుల కోటాను 24న మధ్యాహ్నం 3 గంటలకు ఆన్‌లైన్‌లో విడుదల చేస్తారు. https://ttdevasthanams.ap. gov.in వెబ్‌ సైట్‌ ద్వారా టికెట్లు బుక్‌ చేసుకోవాలని అధికారులు సూచించారు.