జగిత్యాల : చాలా పెళ్లిల్లు(marriages) అంగరంగవైభవంగా చేస్తుంటారు. అతిథులకు మర్యాదలో ఏ మాత్రం లోటు రాకుండా చూస్తుంటారు. ఎక్కడైనా లోటు వచ్చిందో.. పెళ్లిల్లు ఆగిపోయిన సందర్భాలు అనేకం ఉన్నాయి. తాజాగా చిన్న లోటు పెళ్లి ఆగిపోవడానికి కారణమైంది. మూలుగ బొక్క(Muluga Bokka)కోసం పెళ్లి రద్దయిన(Wedding cancelled) ఘటన నిజామాబాద్(Nizamabad) జిల్లాలో జరిగింది. వివరాల్లోకి వెళ్తే.. జగిత్యాల జిల్లా మెట్పల్లి మండలానికి చెందిన అబ్బాయికి నిజామాబాద్ జిల్లాకు చెందిన అమ్మాయితో వివాహం నిశ్చయమైంది.
దీంతో కట్న కానుకలు అన్ని మాట్లాడుకున్నారు. నవంబరు మొదటి వారంలో నిశ్చితార్థం కూడా జరిగింది. అయితే ఈ నిశ్చితార్థ వేడుకలో భాగంగా అమ్మాయి ఇంట్లో మాంసాహారంతో భోజనాలు ఏర్పాటు చేశారు. అబ్బాయి బంధువులు మూలుగ బొక్క కావాలని అడిగారు. మూలగ బొక్క లేదనడంతో ఇరువర్గాల మధ్య గొడవ మొదలైంది. ఆ గొడవ చినికి చినికి గాలివానలా మారి పోలీస్స్టేషన్ వరకు వెళ్లింది. తర్వాత ఇరువర్గాలు శాంతించినా పెళ్లి మాత్రం క్యాన్సిల్ అయింది.